Sailetako Albisteak

10.12.2013 Berriak

Telefono bidezko aldi bereko itzulpen zerbitzua

Hitzarmen honen helburua Udaletako profesionalen eta etorkinen arteko komunikazioa erraztea da. Sistema honi esker, herritar guztiek berdintasuna izango dute eskubideei dagokienez.

2013 urtean 30 udalek eta 8 mankomunitateek zerbitzua erabili dute eta bere erabilerak dituen abantailak ezagutzeko aukera izan dute.

2014 urteari begira, gaur egungo aurrekontuen aurreikuspenaren arabera, baldintza berberak mantenduko lirateke:

51 hizkuntzatara itzultzea bermatuko du, bai eta interesa duten udalerri nahiz mankomunitate guztientzako telefono pack-ak mantentzea ere; era berean, minutuak biztanle kopuruaren arabera banatuko dira.

Minutuen guztizko kopurua solidarioa izango da; horrenbestez, urte bukaeran, udalerri edo mankomunitate batek ez baditu esleitutako minutuak kontsumitu, minutuok minutuen poltsa komun solidario batera pasatuko dira, gainerako udalerri zein mankomunitateen artean banatzeko.

Minutuen poltsa nahikoa izango ez balitz, hasieran esleitutako minutuen kontsumoa gainditu duten udalerri edota mankomunitateek bere gain hartu beharko dute gehiegizko gastua, eta zerbitzua ematen duen enpresari gehiegizko kontsumo hori ordaindu.

Interesa duten udalerri eta mankomunitate berriek abenduaren 20a baino lehen atxikimendu orria bidali behar dute hurrengo posta elektronikoaren bitartez: eudel@eudel.net.

Atxikimendu eredua

05.12.2013 Berriak

GARDENTASUNAri, informazio publikoa eskuratzeari eta gobernu onari buruzko LEGEAREN TESTUA

Estatuko Aldizkari Ofizialean argitaratua

Asteartea, 2013ko abenduak 10

Argitaratua Estatuko Aldizkari Ofizialean (BOE) Gardentasunari, informazio publikoa eskuratzeari eta gobernu onari buruzko legearen testua, joan den azaroaren 28an Diputatuen Kongresuan onartua.

Gardentasun Legeari buruzko testua

Gardentasun Legea berriki onartu dela eta, EUDELek eta IVAPek jardunaldi dibulgatiboa antolatu zuten abenduaren 2an. Bertan aztertu zen zein diren Legearen edukia eta irismena tokiko administrazioekiko. Badaezpada interesekoa duzuen, bidaltzen dizuegu Eudelen webgunerako esteka. Bertan duzue eskuragai jardunaldiari dagokion dokumentazioa: *Emilio Gichot Sevillako Unibertsitateko Zuzenbide Administratiboko katedradunaren ponentzia.

*Agiriak eta berria. Gardentasun Legeari buruzko Jardunaldia (abenduak 2)

04.12.2013 Función Pública

2014ko Aparteko Ordainsaria aurreratzea

2012ko abenduko aparteko ordainsaria kendu zuen 20/2012 Errege Lege Dekretuari dagokionez, EUDELek zirkularra bidali zuen, jakinarazteko egoki irizten zioten udalek 2013ko lehenengo aparteko ordainsaria 2013ko urtarrilera aurreratzea ahalbidetuko zuten formulak egituratu zitzaketela. Interesa zuten udalen lana errazteko, EUDELek eredu bat bidali zuen zirkularrarekin batera, aipatutako aurreratzeak egiteko orientazio moduan. Udal askok egin zuten bat aukera honekin, bai urtarrilean zein uztailean, 2013ko bigarren aparteko ordainsariaren kargura.

Hori dela eta, Estatuko 2014ko Aurrekontu Orokorren Lege Proiektuak ezarritakoaren arabera 2014an aparteko ordainsari bi egongo direnez, EUDELen Batzorde Eragileak, 2013-10-17an egindako bileran, erabaki zuen, irizpide berberei jarraituz, bere garaian egoki iritzi zioten udalek Estatuko 2014ko Aurrekontu Orokorren Lege Proiektuan jasotzen diren aparteko ordainsarietako lehena 2014ko urtarrilean ordaintzea erraztuko duten formula berberak egituratzea.

Interesgarria izango zaizulakoan, berriro bidaltzen dizugu EUDELek 2012ko azaroan bidali zuen proposamen teknikoa, aurtengo ekitaldira egokituta, interesa duten udalak 2014ko aparteko ordainsarietako lehena aurreratu dezaten; izan ere, ekitaldi honetan jarraitu beharreko tramitazioa aurrekoaren berbera da, behin datei dagokiena egokituta.

Dekretuaren
proposamena

03.12.2013 Berriak

Abenduaren 2ko saioa, Gardentasun Legeari buruzkoa

Joan den abenduaren 2an, astelehena, Gardentasunari buruzko Legeaz informatzeko saioa egin zen, EUDELek eta IVAPek antolaturik. Bertan, Kongresuak azaroaren 28an behin betiko onartutako lege horren egitura, edukia eta irismena sakon aztertu ziren.

Gardentasun Legeari buruzko testua

Jardunaldia udaletako zuzendaritzako arduradun publiko, idazkaritza eta kontu-hartzaileentzat zuzenduta zegoen eta EUDELen Bilboko batzar-aretoan (Ertzilla, 13) egin zen, 10:00etatik 13:00ak arte.

Gardentasunari buruzko Legea betetzeak hainbat erabaki hartzea ekarriko du, besteak beste, honako hauek bermatzeko: jokabide etikoak, kontuen azalpena, IKTen hobekuntza eta informazio eskuragarria edukitzea.

Emilio Guichot, Sevillako Unibertsitateko Zuzenbide Administratiboko katedradunak hurrengo alderdiak azaldu zituen:

Gardentasunaren egoera: Nazioartean, Europan eta Estatuan.
Gardentasunari buruzko Legea prestatzeko prozesua.
Autonomiek eta udalek erabakitzeko duten marjina.

Emilio Guichoten
ponentzia

29.11.2013 Euskara

Euskararen Nazioarteko Eguna

Bizkaiko Udalek, aurten ere, Euskararen Nazioarteko Egunaren ospakizunei ekin diete. Datozen asteotan berrehun kultur eta aisia ekintza baino gehiago eskainiko dira, eta horren guztiaren helburu nagusia da euskara kalera ateratzea eta daukan aberastasuna ikusaraztea.

Bilbon, 2013ko azaroak 29. EUDELeko ordezkari, Basauriko Alkate Andoni Busquetek, eta Bizkaiko Foru Aldundiko Euskarako zuzendaria Ana de Castrok, gaur ekintzen egitaraua aurkeztu dute. Ekintza horiek Aldundiaren atarian daude kontsultagai, www.bizkaia.net webgunean, baita udal partehartzaileen web orrietan ere. Egitaraua egunik egun gaurkotzen joango da, herrietatik etengabe jasotzen baitira proposamen berriak.

Datozen asteetan, herritarrok kultur eta aisia-ekintza aukera zabalaz gozatu ahal izango dute, denak euskarari lotuak. Adin guztietarako proposamenak eskainiko dira, bereziki umeentzat (hala nola, ipuin-kontalariak, txotxongiloak, pailazoak, magia, antzezlanak, zinema-emanaldiak, euskal jolasak, e.a.); baina, era berean, ekintza dibulgatiboak ere eskainiko dira, hala nola filmak eta dokumentalak, hitzaldiak, ikastaroak, aurkezpenak eta erakusketak, informazio-kanpainak, e.a.; badira ere familia guztiak parte hartzeko moduko ekintzak.

Ekintza gehienak kalean bertan egitekoak izango dira, udalerrietako plazetan eta parkeetan: adibidez, kontzertuak, kalejirak edo tailerrak.

Andoni Busquetek, EUDELen ordezkariak, aspimarratu zuen udalek euskararekin duten konpromisoa “handia” dela, eta “urterik urte handiagoa”. “Ahalegina egiten dugu bai euskararen erabilera ohikoa izan dadin bai herritarrek euskarazko zerbitzua bermatuta izan dezaten”.

Alkateak herritar guztiak animatu zituen jardueretan parte har dezaten: “Euskararen Eguna une egokia da gure hizkuntzaren alde egiten dugun lana ikusarazteko”.

Prentsa oharra

Ekintzen agenda

26.11.2013 Nabarmenak

Euskadiko udalak udal gobernuetan etika publikoa handitzearen alde agertu dira Europan

[nivo effect=”random” slices=”3″ width=”600″]
[image]https://noticias.eudel.eus/wp-content/uploads/2013/11/estrasburgo02.jpg[/image]
[image]https://noticias.eudel.eus/wp-content/uploads/2013/11/estrasburgo03.jpg[/image]
[image]https://noticias.eudel.eus/wp-content/uploads/2013/11/estrasburgo_reunion01.jpg[/image]
[/nivo]
EUDELek Euskadiko udalen hautetsientzako Jokabide Kodea aurkeztuko du gaur deszentralizazioari buruz Estrasburgoko Europako Kontseiluan egingo den hitzaldian.

Estrasburgon, 2013ko azaroaren 26an. Gaur goizean, “1953-1988-2013: Deszentralizazioa bidegurutzean” lelopeko hitzaldian, Euskadiko Udalen Elkarteak sortutako Jokabide Kodea azaldu die Estrasburgoko Europako Kontseiluaren egoitzan bildutako udal gobernuei.

EUDELeko Elkarteburuarekin eta Irungo Alkatearekin batera, Elkarteko Batzorde Eragilearen beste bederatzi alkate bertaratu dira gaur Estrasburgoko Mintegira: Amurrio, Arraia-Maeztu, Basauri, Elgoibar, Galdakao, Ermua, Hondarribia, Iruña Oka / Iruña de Oca, eta Portugalete.

EUDELeko Lehendakariak, Ibone Bengoetxeak 10:30etan “Krisia eta berriro zentralizatzeko tentazioa” inaugurazioko panelean parte hartu. Euskadiko Udalekin batera, beste herrialde batzuetako hizlariek ere parte hartuko dute, esaterako, Frantzia, Suitza, Alemania, Herbehereak, Suedia, Italia, Polonia eta Georgia.

Ibone Bengoetxeak, bere hitzaldian, gaur egungo hiru krisiak aipatu ditu (ekonomikoa, politikoa eta ideologikoa); izan ere, horien ondorioz, herritarrek politikariengan zuten konfiantza ahulduta atera da. Gainera, udalen bidez gauzatutako gertuko demokraziarako ondorio larriak ekarri ditu krisi hirukoitzak.

EUDELeko Lehendakaria konfiantza galera horretaz baliatu da Euskadiko udaletako alkate eta zinegotzientzako Jokabide Kodea zergatik eta nola sortu zen azaltzeko: “Aurrea hartu nahi diogu. Udal hautetsiak izanik, eredugarriak izan behar gara. Horregatik hartu dugu herritarrekiko honako konpromisoa, kontuak ematea onuragarria eta beharrezkoa delako.”

Ildo berean, Lehendakariak etika publikoa udal demokrazia handiagoa lortzeko bide gisa proposatu du: “Etikak soluzioak eskaini ahal dizkigu, udal demokrazia handiagoranzko zubiarena egin dezake eta, horren ondorioz, legitimitate, autonomia eta deszentralizazio handiagoa ekarri.”

Europako Udalerrien eta Eskualdeen Kontseiluak (CMRE) antolatu du gaurko Hitzaldia, Europako Kontseiluko Udal eta Eskualdeetako Agintaritzen Biltzarrarekin batera. Estrasburgoko egoitzan, azaroaren 27tik 29ra burutuko den Demokraziaren 2013ko Munduko Foroaren ataria izango da.

Euskadiko Udalen Jokabide Kodea

“Euskadiko udalen politikaren kalitate instituzionalerako Konpromiso, Jokabide eta Gobernu Onerako Kodea” EUDELen Batzar Nagusian aurkeztu zen, aurtengo maiatzean. Batzorde Eragileko 15 Alkateek hasierako fase esperimentalean (talde pilotua) ezartzeko konpromisoa hartu zuten eta hilabete hauetan udal erakundeetan zabaldu dute batzorde, gobernu-batza edo osoko bilkuren bitartez.

Dokumentua erabiltzen eta aplikatzen duten udalek doiketak eta ekarpenak egin ahal izango dituzte. Kodearen bidez, etika publikoa etengabe hobetzeko prozesua sustatu nahi da, gero eta exijentzia handiagoa edukita eta Euskadiko udal politikaren gauzapena hoberenduta.

Ebaluazioaren gida

Euskal hautetsien Jokabide Kodea beste kode etiko batzuekin alderatuta bereizten duena ebaluaziorako adierazle-gidarekin batera aurkeztea da. Horren bidez, euskal politikaren jarduera-eremu desberdinetan etika nola betetzen den neurtu daiteke.

Ebaluazioaren bitartez, hobetzeko planak gidatzeko udal bakoitzaren indargune eta ahulezien diagnostikoa osatuko da. Halaber, batez besteko orokorra egingo da eta udal guztietara bidaliko da arlo bakoitza hobetzeko erreferentzia eta orientabide gisa.

Une honetan, Europako Kontseiluaren aditu-talde batek EUDELekin batera lan egiten du aholkularitza teknikoa eta metodologia emanda, talde pilotuko 15 udalen Kodearen ebaluazioaren testa egiteko. Ildo horretan, Udalen Elkarteak Europa mailako mintegia antolatuko du abenduan ebaluazioaren emaitzen balantzea egiteko asmoz.

Talde pilotua

Bizkaia: Basauri, Bilbo, Durango, Ermua, Galdakao, Portugalete, Santurtzi.

Araba: Amurrio, Arraia-Maeztu, Guardia, Iruña Oka, Vitoria-Gasteiz.

Gipuzkoa: Elgoibar, Hondarribia, Irun.

Prentsa oharra
jaisteko

20.11.2013 Berriak

Euskal gazteriak indarkeria sexista arbuiatuko du Basaurin

Hurrengo larunbatean, azaroaren 30ean, Basauriko Marienea Emakumeen Etxean egingo den Topaketarekin amaituko da Beldur Barik 2013ko programa.

Beldur Barik gazteen artean indarkeria sexistari aurrea hartzeko urteroko programa da. Emakundek eta EUDELek sustatuta, hiru Foru Aldundiek parte hartzen dute ekimenean. Herri-erakundeen arteko esparrua Berdinsarea izeneko Berdintasunaren aldeko Euskadiko udalen sarea da.

Basauriko Marienea Emakumeen Etxean, datorren azaroaren 30ean ospatuko den 2013ko Beldur Barik Topaketak emango dio amaiera aurten programa honetan gazteekin egin den lanari.

Topaketa honetan Beldur Barik ikus-entzunezko lehiaketaren sari banaketa egingo da. Beldur Barik! lehiaketa gazteei zuzendua dago (12 eta 26 urte bitartekoak). Neska eta mutilek emakumeen kontrako diskriminazioak ikustaratzen dituzten adierazpen artistikoak saritzea eta bultzatzea da honen helburua. Lanek errespetuan, berdintasunean, askatasunean, autonomian, erantzunkidetasunean eta indarkeriaren kontrako konpromiso sendoan oinarritutako jarrerak ikustarazi behar dituzte. Oraingo edizio honetan 137 lan jaso dira.

Basauri, Beldur Barik Herria

Sarituak nortzuk diren azaroaren 30ean emango da jakitera Basaurin egingo den Beldur Barik Topaketan. Bertan, jai giroan eztabaidak, prestakuntza tailerrak eta zenbait ekintza egingo dira. Dohaineko autobus zerbitzua antolatuko da gazteek Basaurira joan ahal izateko.

Hau da Topaketaren programa:

16:00 – 16:30 Ongi etorri, autobusak Marieneara heltzen dira
16,30 – 17:00 Kapritxosas-ekin Marieneara bisita
17:00 – 19,30 Tailerrak (sexualitatea, autodefentsa feminista, Feminismoa, klown)
19,30 – 20:00 Kalejira
20:00 – 20:30 Lunch
20:30 a 22:15 Sari banaketa. Lanak ikustea. Clownclusiones ikuskizuna.
22:15 Ibaiganetik autobusen irteera.

Informazio gehiago: www.beldurbarik.org

Puntu lila

Beldur Barik bultzatzen duten erakunde guztiek, bestetik, azaroaren 25ko Emakumeen kontrako indarkeriaren aurkako egunarekin bat eginik, dei bat luzatu nahi diete hiritar guztiei, egun horretan puntu lila erabili dezaten mota honetako indarkeriaren kontrako sinbolo moduan. Sinbolo hau publikoki erakusteak berarekin dakar emakume eta gizonen arteko berdintasun eza oinarri duen era honetako indarkeriaren kontrako konpromiso aktiboa.

Prentsa oharra
jaisteko

15.11.2013 Hezkuntza, Gazteria, Kultura eta Kirolak

Gazteen lonjak: udal jarduerak horien erabilera arautzeko

[nivo effect=”random” slices=”9″ width=”600″]
[image]https://noticias.eudel.eus/wp-content/uploads/2013/11/jornadalonjas01.jpg[/image]
[image]https://noticias.eudel.eus/wp-content/uploads/2013/11/jornadalonjas02.jpg[/image]
[image]https://noticias.eudel.eus/wp-content/uploads/2013/11/jornadalonjas03.jpg[/image]
[image]https://noticias.eudel.eus/wp-content/uploads/2013/11/jornadalonjas04.jpg[/image]
[image]https://noticias.eudel.eus/wp-content/uploads/2013/11/jornadalonjas07.jpg[/image]
[image]https://noticias.eudel.eus/wp-content/uploads/2013/11/jornadalonjas08.jpg[/image]
[image]https://noticias.eudel.eus/wp-content/uploads/2013/11/jornadalonjas09.jpg[/image]
[image]https://noticias.eudel.eus/wp-content/uploads/2013/11/jornadalonjas11.jpg[/image]
[image]https://noticias.eudel.eus/wp-content/uploads/2013/11/jornadalonjas12.jpg[/image]
[/nivo]

EUDELek eta Arartekoak antolatutako jardunaldia

2013/11/14

Arartekoko hainbat teknikari, baita ehunen bat euskal udalerritako ordezkari politiko eta tekniko ere, EUDELen egoitzan bildu dira gaur, Bilbon, gazteen lonjen erabilera arautzeko udal jarduerak aztertzeko lan-jardunaldian.

Topaketa horretan, EAEn burutu diren hainbat udal jarduerari buruzko erreferentziazko adibideak ezagutarazi zaizkie euskal udalei, gazteen lonjen erabilera arautu eta antolatzeko, horiek hiri-ingurunera egokitzeko eta erabiltzaile gazteen eta auzokideen elkarteen arteko bitartekaritza egiteko. Gasteiz, Portugalete, Abanto-Zierbena, Gernika-Lumo eta Elgoibarko udaletako ordezkariek mahai-inguru batean parte hartu dute, gainontzeko udalerriei horietako esperientzietako batzuk azaltzeko.

Orain azaleratzen ari den errealitatea da gazteen talde batzuek merkataritza-lonjak erabiltzea elkartzeko eta aisialdirako lokal bezala. EAEn egindako zenbait azterlanetan azaltzen denez, lokalen erabilera hori elkartzeko eta aisiarako lehentasunezko toki gisa sendotzen ari da euskal gazteen artean.

Programa
jaisteko

Fenomeno horrek eztabaidak sortu ditu gai honen gainean: nola bateratu daiteke, modu egokian, aisialdiko jarduera hori ingurumenaren kontrolarekin, segurtasunarekin eta lokaletako arriskuak prebenitzearekin, alde batetik, eta hiri-inguruko auzokideen komunitatearekin duten harremanarekin, bestetik.

Gai horiek denak zehazki aztertu ahal izateko, Arartekoak ofiziozko espediente bat hasi zuen. Informazioa eskatu zuen gazteen aisialdiko jarduera hasi berri horren testuinguru sozial eta juridikoaz, baita arlo horretan udalek jarduteko dauzkaten aukerez ere, gai horretaz irizpide eta printzipio orokor batzuk ezartzeko.

Jardunaldi horretan lortutako ekarpenak Arartekoak prestatuko duen ondorio-txosten batean aztertuko dira.

Dokumentazioa

VITORIA-GAZTEIZen aurkezpena
PORTUGALETEren aurkezpena
ABANTO-ZIERBENAren aurkezpena
ELGOIBARren aurkezpena

Berriak

Azken berriak