Sailetako Albisteak

17.01.2014 Nabarmenak

Euskadiko udalei zuendutako gutuna: Euskal Autonomia Erkidegoko ikur frankistak kentzeko Batzorde Teknikoa gomendio Irizpena

Abenduaren 26ko 52/2007 Legearen “Ikur eta monumen tu frankistak” 15. artikuluan ezarritakoa betetze aldera, 2012an, Eusko Jaurlaritzako Giza Eskubideen Zuzendaritzak “Gerra Zibila eta diktadura goresten dituzten Euskadiko ikur eta monumentu publikoen katalogoa” egiteko agindu zuen (aipatu legeak eskubideak aitortzen eta handitzen ditu, eta neurriak ezartzen ditu Gerra Zibilean eta diktaduran jazarpena edo indarkeria nozitu zutenen alde). Katalogo horretan, Euskadiko hainbat udalerritan oraindik ere ageri diren ikurren kokalekua zehazteaz gain, katalogatutako ikurren jatorria eta helburuen berri ematen da.

Azterlan horrek egiaztatu zuen, bada, Euskadiko udalerrietan oraindik ageri direla era horretako ikurrak. Horrenbestez, Eusko Legebiltzarrak eskatu zion Giza Eskubideen Zuzendaritzari katalogo hori EUDELen eskura jartzeko eta euskal udalerrien elkarte horrekin batera «Euskadin ikur frankistak kentzeko Batzorde Teknikoa» eratzeko (Memoria Historikoaren Legean aipatzen den errolda egiteari buruzko 28/2011 Legez besteko proposamenaren bitartez egin zion eskaera hori).

Bost teknikarik osatu zuten batzordea, horietariko bi euskal udalerrietako ordezkariak zirela. Batzordearen xedea izan zen, alde batetik, katalogoa aztertzea, eta, bestetik, gomendio sistematizatuak biltzen dituen Irizpen bat egitea, erakunde publikoei zuzentzeko, Euskadin ageri den diktadura frankistaren garaiko sinbologia kentze aldera.

Hemen dago eskuragarri aipatu irizpena, ikur frankistak kentzeko jarraitu beharreko gomendioak biltzen dituena: https://euskadi.net/r47-contmh2/eu/contenidos/informacion/retirada_simbolos_franquistas/eu_dictamen/adjuntos/Dictamen_retirada_simbolos_franquistas_eu.pdf

Orobat, katalogoari zein irizpenari buruz edozein galdera egiteko edo informazio gehiago eskatzeko, Eusko Jaurlaritzako Biktimen eta Giza Eskubideen Zuzendaritzara jo daiteke, helbide honetan: derechos-humanos@ej-gv.es

Horren berri ematen dizugu, behar dituen ondorioak izan ditzan.

Gasteizen, 2014.ko urtarrilaren 16a

GUTUNA JEITSI

17.01.2014 Modernización, Digitalización e Innovación

EUDELek Teknologia Berrien Batzordea abian jarri du berriro

Euskadiko udalen arteko lan teknikoa eta koordinaziorako mahai egonkorra da, EAEko agertoki teknologikoan estrategia bateratua diseinatzeko. Batzordeak informazioaren teknologia berriak (IKT) tokiko administrazioan modu orekatuan eta udalerri bakoitzari egokituta ezarri, garatu eta ahalik eta ondoen aprobetxatzea du helburu, udalerri bakoitzak hasiera, baliabide eta beharrei dagokienez daukan egoerara egokituta.

Hauek dira elkartearen helburu nagusietako batzuk:

Aurkezpena
Jeitsi

ikuspegi partekatua sortzea IKTekin lotutako gaien arazo komunen aurrean.
udal estrategia osatzea administrazio arteko proiektuetan.
beste erakunde batzuetan ezarritako proiektu eta ekimenen ezagutzen transferentzia sustatzea.
alderdi teknologiko eta antolakuntzakoetan arrakastatsuak izan diren kasuen bitartez beste udalei laguntzea.

Lanerako foroa eta kontsultarako iturri iraunkorra

Batzordearen lanak udalen beharretan du oinarria. Kide aktibo gisa parte hartu nahi dutenentzako lanerako foroa izateaz gain, Batzordea teknologia berrien (IKT) esparruan kontsultarako iturri iraunkor gisa agertzen da Euskadiko udalerri guztientzat.

a) Kide diren udalak: Parte hartu nahi duzu?
Har ezazu parte modu aktiboan udal kide gisa
b) Kide ez direnak. Zertan lagundu ahal zaitugu?
Igorri zure kontsulta Batzordeari eta eskatu informazioa zure intereseko gaiaren inguruan.

Harremanetarako: teknologia@eudel.net

Nola izan kide:

Batzordeko kide aktibo izan nahi baduzu, bidali mezu elektronikoa udalerria eta parte hartuko duen udal teknikariaren izena adieraziz, honako helbidera: teknologia@eudel.net

17.01.2014 Función Pública

Zirkular informatiboa: Elkarkidetza

2014/01/16ko EUDELeko Batzorde Eragilearen erabakiz, hurrengo bi gaiei buruzko honako informatzeko Zirkular hau igorri da Euskadiko Udaletara: batetik, 2014an ELKARKIDETZArentzako herri-erakundeen ekarpenak berriro hastea; eta bestetik, kotizazio-oinarrian zenbatu daitezkeen kontzeptuei dagokienez, Gizarte Segurantzaren Lege Orokorraren testu bateratuaren 109. artikulua aldatzen duen abenduaren 20ko 16/2013 Errege Lege Dekretuak izango duen eragina.

Defizita murrizteko erabakiei buruzko 20/2011 ELD eta Estatuaren Aurrekontu Orokorrei buruzko 2012ko nahiz 2013ko ondorengo Legeak (EAOL) indarrean sartzearen ondorioz, 2012ko eta 2013ko ekitaldietan ezin izan da ELKARKIDETZAren ekarpen instituzionalik egin erretiroko gertakizunei dagokienez.

Zirkularra
jeitsi

Hala ere, egoera hori 2014an aldatu da, izan ere, 2014ko EAOLren 20.3 artikuluan berriro jaso da administrazioek 2014an erretiroko gertakizuna barne hartzen duten pentsio-planetarako ekarpenak egiteko aukera:

-20.3 artikulua: “2014ko ekitaldian, artikuluaren Bat atalean aipatutako Administrazioek, erakundeek eta sozietateek ezin izango dute laneko pentsio-planetarako edo aseguru kolektiboko kontratuetarako ekarpenik egin erretiroko gertakizuneko estaldura barne hartuz gero.

Zirkularraren Eranskina

Hala ere, dagokion administrazioaren soldata-masa hazi ezean, Lege honetan ezarritako moduan, aipatutako Administrazioek, erakundeek eta sozietateek erretirokoa ez diren gertakizunen estaldura barne hartzen duten aseguru kolektiboko kontratuak egin ahal izango dituzte. Halaber, Administrazio horren soldata-masa haziko ez denean, Lege honetan ezarritako moduan, erretiroko gertakizuna barne hartzen duten laneko pentsio-planetarako edo aseguru kolektiboko kontratuetarako ekarpenak egin ahal izango dituzte, betiere esandako planak edo aseguruko kontratuak 2011ko abenduaren 31 baino lehen harpidetu bazituzten”

Artikulu horren arabera, eta UDALHITZ Hitzarmen Arau-emailearen 94. eta ondorengo artikuluetan ezarritako ELKARKIDETZAren pentsio osagarrien sistemari lotuta, 2014ko EAOLn jasota dago erretiroko gertakizuna barne hartzen duten pentsio-planetarako herri-erakundeen ekarpen horiek berriro hastearen legezkotasuna, betiere dagokion administrazioaren soldata-masa hazten ez bada eta esandako planak zein aseguruko kontratuak 2011ko abenduaren 31 baino lehen harpidetuta badaude.

ELKARKIDETZArako ekarpenak berriro hasi dira, EUDELeko Batzorde Eragileak 2012/01/19an hartutako erabakiarekin bat etorrita. Zirkular horretan, ELKARKIDETZArako ekarpen instituzionalak badaezpada etetea gomendatzen zen, 20/2011 ELDren oinarria betetzeko eta ekarpenak lehenbailehen berriro hasteko konpromisoa erakutsi zuen. Hala: “(…) 4.- EUDELek negoziazio kolektibotik eratorritako akordioei eusteko konpromisoa berretsi du eta, horretarako, ELKARKIDETZArako ekarpen instituzionalari eusten ahaleginduko da, izan ere, konpromiso hori UDALHITZ esparruko akordiotik dator, prestazio pasiboen sistema babesle osagarriari dagokionez.

Gainera, gai berari lotuta, kontratazio egonkorraren aldeko erabakiei buruzko abenduaren 20ko 16/2013 ELD (BOE: 2013/12/21) nabarmendu behar dugu. Amaierako hirugarren xedapenean, Gizarte Segurantzaren Erregimen Orokorreko kotizazio-oinarrian zenbatu daitezkeen kontzeptuetan aldaketak sartu ditu. Zehatz-mehatz, Kongresuak oraindik berretsi behar duen honako Errege Lege Dekretu honen bitartez, Gizarte Segurantzaren Lege Orokorraren testu bateratuaren 109. artikulua nabarmen aldatu du. Besteak beste, pentsio-planetarako ekarpenak kotizazio-oinarrietan sartu behar dira (orain arte salbuetsita zeuden). Hori dela eta, herri-erakundeen nahiz, neurri txikiagoan, langile publikoen ekarpenen kostua handituko litzateke. Ondore horietarako, Gizarte Segurantzaren Diruzaintza Nagusiko 2013/12/27ko informatzeko Zirkularra erantsita bidaltzen dizugu. Bertan azaltzen dira zehaztasunez aldaketa hauek kotizazioari dagokionez dakarten eragina.

Abenduaren 20ko 16/2013 ELDk sartutako aldaketa honen garrantzia dela eta, EUDELek gure eremuan izango dituen ondorioak aztertuko ditu eta horren berri emango die elkarteko kideei.

16.01.2014 Prestakuntza

2014ko zeharkako prestakuntza plan berria

EUDELek eta IVAPek 2014ko Eudel-IVAP-Foru Aldundien Zeharkako Plana berriz hasiko dugu, teknikari, administrari eta idazkaritza, kontuhartzailetza eta zuzendaritzako langileentzat.

Urtarriletik aurrera hasi da ikastaroan izena emateko epea.

Zeharkako
Prestakuntza
Planaren liburuxka
jeitsi

Aurtengo Planaren barruan 97 ikastaro eta tailer egongo dira, horietariko 31 aurrez aurrekoak eta 66, berriz, on line. Prestakuntzaren barruan administrazioaren oinarrizko gaiak eta udal jardueraren funtsezko arloak daude: gizarte-zerbitzuak, hirigintza, ingurumena eta etxebizitza, barne-antolakuntza eta giza-baliabideak eta, guztien artean nabarmenduta, aurten ere, arlo ekonomikoa.

Prestakuntzako eskaintza hori osatzeko, udal administrazioari buruzko unean uneko gai interesgarriak jorratzeko asmoz, jardunaldi edo saio monografikoak egongo dira, Udal Administrazioaren Arrazionalizazio eta Iraunkortasun Legearen jarraipen berezia eginda.

Tailer praktikoek berriro ere prestakuntzaren barruko zati handi bat hartzen dute, batik bat oinarrizko arloetan: kontratazioa, tramiteak sinplifikatzea, berrikuntza eta gardentasuna.

2014ko Prestakuntzaren Aurkezpena

Berrikuntza, modernizazioa eta gardentasuna

Berrikuntza eta modernizazioari buruzko prestakuntza Tokiko Berrikuntza Agendekin (TBA) batera lantzen jarraituko dugu, esate baterako, prozedurak sinplifikatzea edo Kudeaketa Plan eta Aurrekontu gardenagoak prestatzea. Azken hauek EUDELen Gardentasun Sareko lanarekin ere sendotuko dira.

Teknologia berriak

Teknologia berrien arloan, sektore publikoaren Sareei buruzko ikastaro espezifikoa, 2.0, hodei digitala eta Gobernu Irekia egingo dira. Bien bitartean, urtarrilean Teknologia Berrien Batzordea berriro jarri da abian. Horren bidez, gainerako euskal herri-erakundeekiko lankidetzarako topagune egonkorra eta udalentzat onuragarriak izan daitezkeen ekimenak osatuko dira. Batzorde hau informazioaren iturri etengabea izango da teknologia berriei dagokienez eta udalek helarazi diezazkieketen kontsulta zein zalantza guztien arreta egingo du.

Informazio gehiago: http://www.eudel.net/prestakuntza

• Planaren edukiei buruzko informazio gehiago edukitzeko HAEE/IVAPekin edo EUDELen prestakuntza-arloarekin harremanetan jarri zaitezke:

HAEE/IVAP T. 944 031 600 prestakuntza@ivap.es
EUDEL Prestakuntza Saila Tel. 94 423 15 00 prestakuntza@eudel.net

30.12.2013 Berriak

BOEn argitaratuta (13-12-30): TOKIKO ERREFORMAREN LEGEA

Boletinean argitaratuta, abenduaren 31tik aurrera indarrean sartuko da

Toki Administrazioaren Arrazionalizazio eta Iraunkortasun Legea

Gaur, 2013ko abenduaren 30ean, BOEn argitaratu da Udal Administrazioaren Arrazionalizazio eta Iraunkortasun Legea, pasaden abenduaren 19an Diputatuen Kongresuan onartutakoa. Boletin ofizialean argitaratuta, Legea 2013ko abenduaren 31tik, asteartetik indarrean sartuko da.

*Udal Administrazioaren arrazionalizazio eta iraunkortasun abenduaren 27ko 27/2013 Legea.

PDF (BOE-A-2013-13756 – 44 orrialde – 669 KB)
Beste formatu batzuk

Zabalkunde jardunaldia: Legeari buruzko hasierako azalpena

EGITARAUA
JEITSI

Legea indarrean hasiko denez, EUDELek hurrengo ostiralerako, urtarrilaren 10erako, horren berri emateko jardunaldia antolatu du behin betiko testuaren edukiaren eta Euskadiko udal erakundeetan izango duen eraginaren hasierako azterketa egiteko. Jardunaldia Bilboko Euskalduna Jauregian egingo da eta gai horretan interesa duten politikari eta teknikari guztiak gonbidatuta daude.

Eguna eta ordua: Urtarrilaren 10a, ostirala. 9:30-13:30
Lekua: Bilboko Euskalduna Jauregia. A3 aretoa
Hartzaileak: EAEko toki- erakundeetako politikariak eta teknikariak
Izena emateko: EUDELen webgunearen bidez: www.eudel.net (webguneko inprimakiko eremu guztiak beteta).

Lekuak izena eman den ordena zorrotzaren arabera erreserbatuko dira. EUDELek jardunaldian lekua erreserbatu zaiola dioen egiaztapena bidaliko dio eskatzaile bakoitzari.

17.12.2013 Berriak

Ikasteetxeetan obrak egiteko dirulaguntzen deialdia

2013 eta 2014 bukaera bitartean burutuak

Honekin batera udal jabetzako ikastetxeei buruzko buletinaren lotura bidaltzen dizugu. Gaurko EHAAn agertu da, eta ikastetxe horietan egiteko diren obrak finantzatzeko deialdia iragartzen duen Agindua dago (Udalaguntza-2013).

Esteka EHAA: AGINDUA, 2013ko abenduaren 4koa, Hezkuntza, Hizkuntza Politika eta Kulturako sailburuarena. Honen bidez, hezkuntza-administrazioaren mendeko ikastetxeak dauden udal jabetzako eraikinetan obrak egiteko gastuak finantzatzeko deialdia iragartzen da (Udalaguntza-2013).

Helburua: udal jabetzakoak diren eta hezkuntza-administrazioaren mendeko ikastetxeak dituzten eraikinetan obrak egiteko gastuak finantzatzeko deialdia.

Entitate onuradunak: Euskal Autonomia Erkidegoko Udalak, udal jabetzakoak diren eta hezkuntza-administrazioaren mendeko ikastetxeak dituzten eraikinetan obrak egiteko proposamenak aurkezten dituztenak.

Obrak: 2013ko urtarrilaren 2 eta 2014ko abuztuaren 31 bitartean hasi eta 2014ko abenduaren 31 baino lehenago bukatutakoak.

Zenbatekoa: diru-laguntzak Balorazio Batzordeak onartutako aurrekontuaren %60a estaliko du.

Eskaeren epea: Euskal Herriko Agintaritzaren Aldizkarian Agindua argitaratu osteko egunetik aurrera hilabete bat.

Izapidetze mota elektronikoa:
https://euskadi.net/ayuda_subvencion/-/2013/udalaguntza/eu

13.12.2013 Modernización, Digitalización e Innovación

Tokiko modernizazio eta berrikuntzari buruzko prestakuntza

2014ko ikastaroetan izena emateko epea ireki da.

2014ko Zeharkako Prestakuntza Planaren barruan, EUDELek, HAEE/IVAPek eta Foru Aldundiek elkarrekin antolatuta, tokiko administrazioaren modernizazio eta berrikuntza helburu duen berariazko prestakuntza eskaintzen da.

Prestakuntzako eskaintza honen barruan, 8 ikastaro eta tailer daude eta HAEE/IVAPeko Bilbo eta Donostiako egoitzetan eskainiko dira datorren urtean zehar.

Hona hemen landuko diren gaietariko batzuk: prozedurei buruzko eskuliburuak, sinplifikazio administratiboa, zerbitzuen kostu efektiboaren kalkulua, kudeaketa-plan eta aurrekontu gardenak, gizarte-sareak eta 2.0 komunikazio-plana, herritarren atentzioa eta haiekiko komunikazioa, udalerriaren markari buruzko estrategia, besteak beste.

Metodologian, lehentasuna emango zaio kasu praktikoen analisiari eta taldeko dinamiken bitartez ikasleen parte-hartzeari.

Bai prozesuetan bai prozeduretan, bizkorragoa eta efikazagoa izateaz gain, herritarrekiko harremanetan gardenagoa eta hurbilagoa den udal antolakuntza bultzatzeko, berrikuntzari buruzko prestakuntza beharrezkoa da. Horregatik, udalek beraientzat interesgarritzat identifikatutako proiektuak abian jartzeko asmoz, 2014ko Prestakuntza Planak eduki hauei lehentasuna eskaintzen jarraitzen du.

Ikastaroetan izena ematea:

Ikastaroetan matrikulatzeko udaleko prestakuntzako koordinatzaileak eskabidea bidali behar du honako helbide honetara: prestakuntza@ivap.es

HAEE/IVAPek onartutako ikasleen zerrenda baieztatuko du.

Informazio gehiago edukitzeko: www.eudel.net

foiletoa
jaisteko

12.12.2013 Nabarmenak

Euskadiko udalek etikako eta gobernu oneko praktika onak alderatzen dituzte

Testuingurua EUDELen eta Europako Kontseiluaren mintegi bat izan da, biek elkar hartuta baitiardute Euskadiko Udalen Kodeari buruzko proiektuan. Europar ordezkariak Bilbora joan dira lehenengo talde pilotuko 15 udalek aurreratu duten lanari segimendua egiteko.

Prentsa-oharra
deskargatu

Abenduak 10 eta 11, EUDELek laneko mintegia egin du 15 udaletako Alkateak, zinegotziak eta teknikari arduradunak batzartuta, Euskadiko udal hautetsien Jokabide Kodea ebaluatzeko adierazle-fitxa testatzeko asmoz.

Euskadiko udal politikaren Jokabide, Gobernu On eta Herri-erakundeen Kalitateari buruzko Kodea izeneko proiektu pilotua osatzen duten 15 udalak atzo eta gaur ere batzartuta egon dira lan-saio bitan, hautetsien jokabide etikoa ebaluatzeko aukera emango duten neurketarako adierazleen fitxaren azken ukituak emateko asmoz. Hori guzti hori udal bakoitzeko Etika politikoaren eta Gobernu Onaren etengabeko hobekuntzako plan espezifikoak diseinatzeko xedez egin da.

Euskadiko Udalen Elkarteak antolatu du egun pare batez luzatu den mintegi trinko hau eta, bertan, udalen talde pilotuko hogeita hamar arduradun politikok eta teknikarik parte hartu dute. EUDELeko Batzorde Eragilearen izenean, Ibone Bengoetxea lehendakaria eta Irungo Alkatea den Jose Antonio Santano Lehendakariordea egon dira, hiru lurralde historikoetako hainbat udaletako 10 alkaterekin batera.

Jokabide Kodea eta bere ebaluazioa euskal udaletan

Euskal hautetsien Jokabide Kodearekin batera ebaluaziorako adierazleak biltzen dituen fitxa bat dago. Azken honen bidez, besteak beste, hurrengo arloetan etikaren arabera burututako neurtzeko aukera egongo da:

Jokabidearen barneko zein kanpoko kontrolak eta hautetsien gaitasuna
Gardentasuna, komunikazioa eta prozedura administratiboak
Udalak sektore pribatuarekin dituen harremanak (esate baterako, ondasun eta zerbitzuez hornitzeko kontratu publikoak )

Tresna hau puntuatzeko plantilla bat da. Bertan jasotzen dira atalen arabera antolatutako adierazle kuantitatiboak. Adierazleak hautetsien jokabide etikoari zein udal erakunde osoaren Gobernu Onari buruzkoak dira. Horrek guzti horrek hiru helburu handi ditu: erreferente nazional propioaren kalkulua (Euskadiko udal guztien batez bestekoa); udal bakoitzaren praktika onak identifikatzea (erreferente horrekin alderatuta); eta udalen arteko lankidetza bakoitzaren hobekuntzarako planak diseinatzeko asmoz.

Informazio gehiago

Berriak

Azken berriak

Toki Administrazioaren Arrazionalizazio eta Iraunkortasun Legea