Sailetako Albisteak

15.04.2013 Berriak

2013 UDALTOP 5. Topaketa. Matrikulazio-aldia zabalik dago

Datorren apirilaren 25ean eta 26an, Lasarte-Oriako Kultur Etxean, 2013 UDALTOP Udaletako Euskara-Zerbitzuetako 5. Topaketa izango da, Eusko Jaurlaritza, Gipuzkoako Foru Aldundia, Lasarte-Oriako Udala eta EUDELek antolatuta.

Urteroko topaketa horien asmoa da Euskal Herriko udaletako euskara-zerbitzuetako teknikariak biltzea eta herri-erakundeetatik euskararen erabilera soziala bultzatzeko daramagun politikaz hausnartzea eta eztabaidatzea.

Programa
Jeitsi

Aurtengo topaketetarako planteatzen den galdera honakoa da: “Nola aktibatu herritarrak udalarekin euskaraz jarduteko? Zer eta nola egin, euskaraz ikus gaitzaten?”

Eskatu nahi da, ahal den neurrian, udalean euskara-teknikaririk edo antzeko arduradunik balego berau animatzea eta 2013 UDALTOP Topaketetan matrikulatu dadin bultzatzea, merezi du eta.

Bertara joan daitezen animatzen ditugu udaletako ordezkari politikoak ere. Aurtengo gaia bereziki interesgarria da beraientzat, hizkuntza-normalizazioaren gaia perspektiba globaletik garatzen lagundu diezaieke eta.

Informazio gehiago hemen: www.udaltop.com

26.03.2013 Función Pública

Tokiko udaletan pertsonak kudeatzeko trebakuntza

EUDELek eta IVAPek Giza Baliabideen arloko zuzendari eta teknikarientzako programa berri bat abiaraziko dute maiatzaren 10ean (edizio bat, Bizkaian, eta beste bat, Gipuzkoan).

Aurrekontu neurrizkotasuna bizi dugun garai honetan, EUDELek eta IVAPek beharrezkotzat jo du udaletako langileak bideratu eta kudeatzeko prestakuntzan inbertitzea, lehiakortasuna hobetzeko eta herritarrei zerbitzu hobea eskaintzeko asmoz.

Euskadiko tokiko gobernuetako unitateen profesionaltasuna eta eraginkortasuna indartzeko landuko diren esparruak honakoak izango dira, besteak beste:

Ikastaroaren
programa

Giza Baliabideen arduradunen eskumenak
Enplegu publikoaren dimentsio etiko eta antolatzailea
Plangintza
Enplegu publikora sartzeko arazoak…

Izena emateko azken eguna 2013ko apirilaren 26a da.

Eskabide orria deskargatu

25.03.2013 Modernización, Digitalización e Innovación

Hamar gomendio, Herritarren Arretarako Zerbitzu bat ezartzeko

EUDELek udaletan Herritarren Arretarako Zerbitzua ezartzeko oinarrizko hamar gomendio biltzen dituen dekalogo bat prestatu du, Udal Foroan eginiko gogoetetan eta esperientzia- zein iritzi-trukean oinarrituta, eta Tokiko Berrikuntza Agendaren (TBA) esparruaren barruan.

Zerbitzu hau ezartzeko prozesua hasteko gomendio horietako bi hauek dira: Udalaren beraren administrazio-prozeduren eskuliburua edukitzea eta berariazko konpromiso politiko bat izatea.

Dekalogoa
deskargatu

Herritarren arretarako zerbitzuak herritarrak administraziora iristea eta harekin komunikatzea eta harremanetan egotea erosotasunez gerta dadin errazteko prestatzen dira. Udal zerbitzu gehienak era integratuan eskaintzen saiatzen dira, zerbitzu horiek esku-hartze tekniko espezializatua behar ez dutenean, aurrez aurreko, telefonozko edo telematikazko bideak erabiliz.

Herritarren Arretarako Zerbitzuen (HAZ) Udal Foroa 2012ko maiatzean sortu zen, eta 14 udalerrik parte hartzen dute bertan; gaur egun, herritarren arretarako zerbitzua dute 14 udal horietan. EUDELek sustatutako udalen arteko sare honi esker, esperientziak eta praktika onak trukatzen dira udalerrien artean.

25.03.2013 Prestakuntza

BASQUESKOLAk tokiko hautetsientzako Lidergo Tailer aurreratua programatzen du

Virginia Woolf Basqueskolak 2012an abiarazitako tokiko hautetsientzako coaching programarekin jarraitu nahi du, eta, horretarako, II. mailako lidergo tailerra antolatu da, hastapenetako tailerrean parte-hartzaileek eskuratutako teknika, trebetasun eta ezagutzetan sakontzeko.

Lidergo ikastaro aurreratu hau Maru Sarasola prestatzaileak emango du.

Ikastaroa egiteko izen-emate kopuru nahikoa izango dela jakite aldera, gomendatzen da bertaratzea ahalik eta lasterren baieztatzea.

2013ko apirila-ekaina
Iraupena: 15 ordu (5 saio)
Egunak: apirilak 18, maiatzak 2, maiatzak 16, maiatzak 30, ekainak 13
Ordutegia: 16:30etik 19:30era
Lekua: EUDEL aretoa (Ercilla kalea 13, Bilbao)

Lidergo II. Tailergo programa

15.03.2013 Ogasuna eta Finantzak

Bizkaiko Foru Aldundiaren eta lurraldeko udalen arteko Lankidetza Hitzarmena, zuzenbide publikoko diru-sarrerak epe exekutiboan biltzeko

Diru-bilketaren kudeaketan Bizkaiko udalekin modu egonkorrean kolaboratzeko aukera emango duen sistema bat ezartzeko asmoz, Foru Aldundiko Ogasun eta Finantza Sailak bere burua eskaintzen du Tokiko Erakundeen zuzenbide publikoko zergen eta diru-sarreren epe exekutiboko bilketaz arduratzeko, betiere, aipatutako erakundeek hitzarmen bidez kudeaketa hori eskuordetzea erabakitzen badute.

Hitzarmena onartu baino lehen, EUDELek Hitzarmenari buruzko udal ekarpenak eta kezkak koordinatu eta bidali dizkio Bizkaiko Foru Aldundiari.

Une honetatik aurrera, interesa duten Tokiko Erakundeek Bizkaiko Aldizkari Ofizialean argitaratu den ereduaren arabera formalizatu ahal izango dituzte hitzarmenak:

BAOrako esteka

Zerbitzuaren kostua

Tokiko erakundeak ordaindu beharreko zerbitzuaren kostua diru-bilketa garbiaren (printzipala + errekargua + interesak – itzulketa posibleak edo okerreko kobrantzak) bolumenaren %5 da.

Hala ere, 10.000 biztanle baino gutxiagoko tokiko erakundeetan, zerbitzuaren kostua diru-bilketa garbiaren %1 izango da.

12.03.2013 Berdintasuna

Gizarte arloko topaketak. 25. jardunaldia Emakume eta Gizonen Berdintasunerako Politika Publikoak

Martxoaren 15ean, ostiralean, EUDELeko elkarteburu Ibone Bengoetxeak “Emakume eta Gizonen Berdintasunerako Politika Publikoak” gaiari buruzko jardunaldian parte hartuko du, Bizkaiko Foru Aldundiko Gizarte Ekintza Sailak antolatua, “Gizarte Arloko Topaketak” ekimenaren baitan.

Jardunaldi hau hauei zuzenduta dago, batez ere:

EUDELeko
Elkarteburuaren
aurkezpena

Administrazio publikoetako politikari eta teknikariei, batez ere, toki-administrazioetakoei.
Berdintasunaren arloko teknikariei.
Emakume elkarteei eta emakume eta gizonen arteko berdintasun-proiektuak egiten dituzten erakundeei.
Herritarrei, oro har.

Programa deskargatu
Informazio gehiago

11.03.2013 Berriak

Emakume hautetsien Mundu Konferentziaren azken adierazpena. Paris. 2013ko urtarrila-otsaila

Emakume hautetsien Mundu Konferentziaren azken adierazpena. Paris. 2013ko urtarrila-otsaila

“Tokiko Bizitzan Emakume eta Gizonen arteko Berdintasunerako Toki eta Eskualde Mailako Gobernuen Parisko Agenda Globala” adierazpenak Tokiko eta Eskualdeko Gobernuen konpromisoa dakar, Emakumeek eta Gizonek Tokiko bizitzan berdintasuna izan dezaten. Hala, tresna estrategikotzat jotzen da, erabakitze-esparru guztietan emakume eta gizonen artean errespetua sustatzeari begira.

Adierazpenaren testua urtarrilaren 30etik otsailaren 1era bitartean Parisen egindako “Genero Berdintasuna, lehentasuna toki garapenerako” izeneko Emakume Hautetsien konferentziaren itxiera-ekitaldian onartu zen..

Topaketak 78 herritako 500 hautetsi baino gehiagoren partaidetza izan zuen, eta, horien artean, Ibone Bengoetxea EUDELeko Elkarteburuak parte hartu zuen.

Ordezkarien asmoa da Adierazpen hau tresna estrategikoa izatea, erabakitze-esparru guztietan emakume eta gizonen arteko berdintasuna lor dadin.

Adierazpena eskuragarri:

www.eudel.net

05.03.2013 Berriak

TBA TAILERRA: Kudeaketa planak egitea

TBA TAILERRA: Kudeaketa planak egitea

Jakinarazten dizuegu ostiral honetan ( martxoak 8 ) amaitzen dela kudeaketa planak egiteko Tailerrean izena emateko epea. Tailerrak edizio honetako berrikuntza dira; izan ere, eskuratutako ezagutzak praktikan jartzeko aukera ematen dute.

Tailerra apirilaren 9, 16 eta 23an izango da HAEEren egoitzan (Recalde zumarkalea 18), 09:00etatik 13:30era. Helburua da urtebetean egin beharreko helburuak, proiektuak eta jarduerak dokumentatzen irakastea, Plan marko batean jasotzeko. Izan ere, plan hori erreferentzia izango da udal jardueraren kudeaketarako.

Zertarako Kudeaketa Plan bat?

Udalean kudeaketa plan bat izateak udalaren jarduera politiko eta teknikoa errazten du, ekitaldian egindako jarduera ebaluatzea ahalbidetzen du eta oinarrizko tresna da kudeaketaren gardentasunerako nahiz eraginkortasunerako.

Izen-emateak

EUDEL-HAEE eta Euskadiko Foru Aldundien arteko lankidetzarekin antolatutako tailer honetan parte hartzeko interesa duten udal teknikariek eskabidea bidali behar diote norberaren udaleko prestakuntza-koordinatzaileari, eta azken horrek prestakuntza@ivap.es helbidera bidaliko du.

HAEEk onartutako ikasleak berretsiko ditu.

Berriak

Azken berriak