EUDELek irmoki gaitzesten ditu atzo Ankaran eta Berlinen buruturiko atentatuak. Euskadiko Udalen Elkarteak dolumina eta elkartasuna helarazi nahi dizkie biktimen senideei, eta espero du zauritutako pertsona guztiak ahalik eta lasterren sendatzea.
EUDELek udal guztiei gonbit egiten die 5 minutuko elkarretaratze isilak antolatu ditzaten, gaitzespen eta elkartasun gisa. Elkarretaratzeak BIHAR ASTEAZKENEAN izango dira, abenduaren 21an, eguerdiko 12:00etan, udaletxeen aurrean.
EUDELek gaitzespen irmoa adierazi nahi du, asteburuan Jordanian, Yemenen eta Turkian gertatutako atentatuen aurrean. Euskadiko Udalen Elkarteak dolumina eta elkartasuna helarazi nahi dizkie biktimen senideei, eta espero du zauritutako pertsona guztiak ahalik eta lasterren sendatzea.
EUDELek udal guztiei gonbit egiten die 5 minutuko elkarretaratze isilak antolatu ditzaten, gaitzespen eta elkartasun gisa. Elkarretaratzeak GAUR ASTELEHENEAN izango dira, abenduaren 19an, eguerdiko 12:00etan, udaletxeen aurrean.
EUDELen Batzorde Eragileak, 2016/12/14ko saioan bilduta, erabaki du UDALHITZ hitzarmen kolektiboari buruzko ZIRKULAR hau bidaltzea Euskadiko udalei.
1.- EUDELen helburua UDALHITZ Akordio berria negoziatzea da, eratutako marko sektorialean; hartara, Euskadiko tokiko erakundeetako langileen lan-baldintzak osorik arautu ahal izango dira, betiere, hitzarmen kolektiboaren barruan, eta ELA-STV, LAB, CCOO eta UGT zentral sindikalekiko elkarrizketaren, negoziazio arloko fede onaren eta lankidetza zintzoaren giroan.
2.- Helburu hori lortu ahal izateko, beharrezkoa da atxikitako Euskadiko udalei eskatzea UDALHITZ 2008-2010 Akordioa bete dezaten; izan ere, betearazpen hori da Negoziaziorako Mahai Orokorraren baitan lortu daitezkeen akordio posibleen legezkotasunaren bermerik gorena, akordioa gero udal bakoitzera eraman ahal izateko.
3.- Kontuan izanik azken urteotan zenbait lege-ekimen sortu direla –8/2010 ELD, 20/2011 ELD, 20/2012 ELD eta horiekin bat datorren araudia–, eta, batzuetan, ekimen horiek eragina izan dutela UDALHITZ 2008-2010 Akordio Arautzailearen edukiarengan, edota eduki hori eraldatu ahal izan dutela, EUDELek guztiz beharrezkotzat jotzen du, bidezkoa denean, neurri horien eraginaren egoerari buruzko diagnostiko orokorra finkatzea.
Hori horrela, udalei jakinarazten zaie datozen asteotan galdetegi bat jasoko dutela, zenbait galderarekin. Inkesta horrekin batera, batzuetan, teknikarien bisitak ere izango dira, zalantzak argitzeko eta datuak hobeto jaso ahal izateko.
4.- Hurrengo UDALHITZ akordioaren negoziazioa bide onetik joango dela bermatzeko, eskatzen dizuegu ahalik eta gehien kolaboratzeko datuak batzeko ekimen honetan. Era berean, berriz ere gogorarazten dizuegu ez irekitzeko negoziazio mahai indibidualik zuen udaletan, Mahai Orokorrean egiten ari den negoziazioari oztoporik ez eragiteko.
Euskadiko Toki Erakundeei buruzko Lege berria bete nahian, EUDELeko elkarteburu Imanol Landak azpimarratu du Ekarpenei buruzko Lege berriaren prestaketan udalen adostasuna izan behar dela, organo horretan Euskadiko erakunde guztien adostasuna erdietsi ahal izateko; izan ere, Herri-dirubideen Euskal Kontseiluan hiru boto dituzte.
Bilbon, 2016ko abenduaren 15ean.
Gaur goizean Eusko Legebiltzarrean Ogasun eta Ekonomia sailburu Pedro Aspiazuk adierazitakoa bete-betean onesten du EUDELeko elkarteburu Imanol Landak; izan ere, Ekarpenei buruzko Lege berria egitean, beharrezko baldintzatzat hartu du udalek parte-hartzea.
Imanol Landak gogorarazi duenez, aurten, apirilaren 7an, Euskadiko Toki Erakundeei buruzko Legea onartu denetik, nahitaez bete beharreko marko juridikoa dago. Legearen arabera, udalek Ekarpenei buruzko Lege berriaren prestaketan parte hartu behar dute (117.4 artikulua), eta hitza zein botoa dute Herri-dirubideen Euskal Kontseiluan, “hala banaketa horizontaleko eredua nola lurralde historiko bakoitzaren ekarpenaren koefiziente horizontalak ezartzeko irizpideen zehaztapenean (…)” (117.5 artikulua).
Horiek horrela, foru aldundien arteko hiru aldeko ituna ez dela nahikoa adierazi du EUDELeko elkarteburuak, udalen adostasuna ere izan behar baitu; izan ere, LHLko 28.10 artikuluak honakoa xedatzen du: erabakia hiru foru ordezkarien artean hartu behar da, baita hiru udal ordezkarien artean ere, eta gehiengo osoa izan beharko du (gutxienez 4 boto).
Minutu bateko isilunea Istanbul, Kairo eta Muqdishoko (Somalia) atentatuetan izandako biktimekin elkartasuna adierazteko, gaur goizean Maastricht-en, Europako Udal eta Eskualdeen Kontseiluko Zuzendaritza Batzordearen bileran. Bertan izan ziren, tokiko zein eskualdeetako beste 150 agintarirekin batera, EUDELeko Elkarteburu eta Getxoko Alkate Imanol Landa, Bilboko Alkate Juan Mari Aburto eta EUDELeko Berdintasun ordezkari eta Galdakaoko Alkate Ibon Uribe.
Bilboren izendapena ofizialtzen da, akordio honen bidez, 2018ko ekainaren 11tik 13ra bitartean egingo den ‘Berdintasunari, aniztasunari eta gizarteratzeari’ buruzko konferentzia egoitza gisa. Konferentzian, aurreikuspenen arabera, 500 bat pertsonak hartuko dute parte.
Gaur arratsaldean bertan, 17:00etan, izenpetu dute Maastricht hirian (Limburgeko probintzia-egoitzaren erakina), Bilboko alkateak, EUDELeko elkarteburuak eta Europako udalerrien kontseiluko (EUEK) lehendakari aukeratu berri Stefano Bonaccini Emilia-Romagna Italiako eskualdeko lehendakariak. Lider italiarra aukeratuta gertatu da Zuzendaritza Batzordean 61 botoz, bigarren hautagaiaren 34 botoen kontra, Yvan Mayeur Bruselako Alkatea.
Europako hiriburu horretaraino joan dira Bilboko alkate Juan Mari Aburto, eta, EUDELen ordezkari gisa, elkarteburu eta Getxoko alkate Imanol Landa eta Berdintasunaren arduradun eta Galdakaoko alkate Ibon Uribe, Europako Udalerri eta Eskualdeen Kontseiluko (EUEK) Zuzendaritza Batzordearen bileran parte hartzeko. Bilera gaur eta bihar (astelehena eta asteartea) egingo da, eta toki-mailako 150 hautetsik hartuko dute parte, EBko estatu guztiak ordezkaturik.
‘Berdintasunari, aniztasunari eta gizarteratzeari’ buruzko konferentzia 2018ko ekainaren 11tik 13ra bitartean Bilbon hartzeko akordioa izenpetzea Zuzendaritza Batzordearen bilera horren barruan sartu da, Maastrichteko Tratatuaren 25. urteurrenarekin nahiz EUEK-ko lehendakari berria aukeratzearekin bat etorriz.
Europako Kontseiluaren mendeko erakunde horri, hain zuzen, Europako udalerrien ahotsa dela irizten zaio, 150.000 agintaritza publiko baino gehiago ordezkatzen baititu, 41 herrialdetako udalerri eta eskualdeen 55 elkartetan taldekatuta. Azken horien artean EUDEL dago, Euskadiko Udalen Elkarte gisa.
Bilboko hiriaren, EUDELen eta EUEKren arteko gaurko akordioak are garrantzi handiagoa du, Italiako eskualde-lehendakariaren lehen egintza ofiziala izanik, Europako kargu berria betez.
Imanol Landaren aburuz, EUDELeko elkarteburu gisa zein EUEK-ko kide gisa, gure herrian Europako toki-gobernuen foro garrantzitsu hau hartu ahal izatea “mugarri historikoa da, eta, beraz, ohore handia da hala Bilborentzat, nola Euskadiko udalerrientzat, oro har”.
Elkarteburuak dioenez, Europako Kontseiluak bere konferentzia Bizkaiko hiriburuaren esku utzi izana “Europako gure homologoek gugan jarritako konfiantza-erakusgarria” da, eta“beste aukera bat Europa guztiko udalerrien arteko sare-lana egiteko nahiz praktika onak partekatzeko” ekarriko du berekin. Imanol Landak nabarmendu du “EUEK-k erreferentetzat ikusten gaituela berdintasunaren eta gizarteratzearen arloko politiketan. Eta hori da, erakundeen lankidetzari eta udalen konpromiso politikoari esker, gure herri eta hirietan izandako lorpen eta aurrerapenen ezagutzarik onena”.
Gaur arratsaldean, hain zuzen, konferentziaren akordioa izenpetu orduko, EUEKren ‘Toki-mailako berdintasunerako Europako Gutuna’ delakoaren X. urteurrenari buruzko eztabaidahasi da. Gutun hori 2006an onartu zen, tokiko eta eskualdeko agintaritzen berdintasunerako konpromisoa sustatze aldera, eta gaur egun arte Europako 32 herrialdetako 1.500 agintaritzak izenpetu dute (Euskadiko 36 tokiko erakunde tartean).
Gutunari buruzko eztabaidan, Ibon Uribe EUDELen ordezkari eta Galdakaoko alkateak hartu du parte, EUEK-ko Berdintasun Batzordeko uneko batzordeburu gisa.
EUDELek gaitzespen irmoa adierazi nahi du, asteburuan Istanbulen, Kairon eta Mogadiscion izan diren atentatu odoltsuen aurrean, eta erabateko irmotasunez gaitzesten du indarkeria terroristaren basakeria. Era berean, Euskadiko Udalen Elkarteak dolumina eta elkartasuna helarazi nahi dizkie biktimen senideei, eta espero du zauritutako pertsona guztiak ahalik eta lasterren sendatzea.
EUDELek udal guztiei gonbit egiten die 5 minutuko elkarretaratze isilak antolatu ditzaten, gaitzespen eta elkartasun gisa. Elkarretaratzeak, abenduaren 13an (asteartea), izango dira eguerdiko 12:00etan, udaletxeen aurrean.
Bilbon, 2016ko azaroaren 29an. Herri Administraziorako eta Erakunde Harremanetarako foru diputatu Ibone Bengoetxeak eta Eudeleko elkarteburu Imanol Landak informazio-jardunaldi bat aurkeztu dute gaur goizean, Bizkaiko Foru Aldundiak martxan jarri duen Kontratazio Zentralarekin bat egiteko prozesuaren berri emateko. 90 bat pertsonak eman dute izena jardunaldi horretarako; besteak beste, Bizkaiko udaletako alkateak, idazkariak eta udal langile teknikoak.
EUDELeko elkarteburuak, Imanol Landak, oso modu positiboan baloratu du Kontratazioko Zentral berria, “Foru Aldundiaren eta lurraldeko udalen arteko laguntza eta lankidetza juridiko eta teknikorako tresna egoki gisa.” nabarmendu du Landak.
“Udal gobernu guztien lehentasuna da tokiko kudeaketa modernizatzea eta hobetzea. Norabide horretan, denbora eta baliabideak aurreztuz, eraginkortasun handiagoa lortu nahi dugu batik bat.” esan du Elkarteburuak.
Bestalde, foru diputatu Ibone Bengoetxeak Kontratazio Zentraleko onurak azpimarratu nahi izan ditu: “Ziur gaude Kontratazio Zentralak onurak ekarriko dizkigula bertan parte hartzen dugun entitate eta erakunde guztiei. Era askotako onurak izango dira gainera: dirua aurreratzea, denbora eta barne-kostuak aurreratzea, burokrazia administratiboa murriztea, trazabilitatea eta gardentasun nahiz segurtasun handiagoa kontratazio publikoan. Baina enpresa hornitzaileek ere izango dituzte abantailak (enpresa txiki eta ertainek batez ere), prozesu bakar baten bidez erakunde gehiagotara iritsi ahal izango baitira, eta aurrerapen horrek kostu administratiboen murriztea ere ekarriko baitie”,
Joan den uztailaren 20an, Bizkaiko Foru Aldundiak kontratazio zentral bat sortzea erabaki zuen, eta kontratazio publiko zentralizatuaren 35 ondasun eta zerbitzu lizitatzeko, esleitzeko eta kudeatzeko mahai bakar gisa jarduten du. Kontratazio zentral berria apurka-apurka ari da zabaltzen, eta berdin-berdin funtzionatzen du hala Bizkaiko Foru Aldundiarentzat eta foru-sektore publikoko entitateentzat nola euren borondatez harekin bat egin nahi duten Bizkaiko udal, mankomunitate eta partzuergoentzat.
Amaitzeko, Imanol Landak gogorarazi nahi du: “EUDELen, bat egiten dugu baliozko edukia eskaini, kudeaketa aberastu eta udalentzako euskarria eman dezaketen tresnen erabilerari loturiko ekimenekin, herritarrei zerbitzu hobea eskaintzeko asmoz, betiere.”
