Sailetako Albisteak

25.10.2016 Ogasuna eta Finantzak

Arabako Toki Administrazioko eta Finantzetako Kontseilua (2016/10/24)

Astelehenean, urriak 24, Arabako Toki Administrazioko eta Finantzetako Lurralde Kontseilua bildu zen, foru ordezkarien eta EUDELeko bost kideen artekoa, azken horiek lurraldeko udalerriak ordezkatuz. Bileraren xedea izan da diru-bilketari buruzko datuak aztertzea, Herri Dirubideen Euskal Kontseilua hil honetan bildu ostean (16/10/14).

Arabako toki erakundeek ez dute dirurik itzuli beharko 2016an jasotako finantziaziotik. Toki Erakundeak Finantzatzeko Foru Funtserako (TEFFF) 2016ko aurrekontua 197.000.000 euro baino gehixeagokoa izan da, eta aurreikusitakoaren arabera finantziazio horrek 2.800.000 euroko likidazio positiboa izango du. Horrek aukera emango die toki erakundeei aurreikusitako finantziazio osoaz gozatzeko, baina ez hori bakarrik: aldeak ondorea ekarriko du Toki Erakundeen Partaidetza Egonkortzeko Funtsera (TEPEF), horraxe joango baita likidazioaren zenbatekoa.

Kontseiluan, orobat, TEFFFen datorren 2017ko aurreikuspena aurkeztu zen; hain zuzen ere, finantziazioa areagotuko zaio funtsari, 11 milioi euro baino gehiago, 2016ko zenbatekoaren aldean.

Dokumentua
deskargatu

Bilera hartan bertan, lekua izan zuten beste hainbat gaik ere: Obra eta Zerbitzuen Foru Planaren Foru Araua aldatzeko aurreikuspenak egin ziren, plan horrek 2016/2017 aldian izango duen aurrerapenaren berri eman zen, eta argibideak eman ziren obra txiki eta auzolanetarako egingo den deialdiari, Suhiltzaileen Erakunde Autonomoa abian jartzeari eta lurralderako bestelako foru proiektuei buruz.

EUDELek lurraldeko udalerrietara ondorengo informazioa bidali du. Informazio horrek lurraldeko udalerri bakoitzerako banakako datuak dauzka, honako kontzeptuei dagozkienak:

2016ko behin betiko hasierako partaidetza osoa
2017ko behin-behineko hasierako partaidetzaren aurreikuspena

Arabako Toki Administrazioko eta Finantzetako Lurralde Kontseiluan zazpi koadrilen/udalerrien alkateak parte hartzen dute. Zazpiak, berriz, EUDELeko ordezkariak; hain zuzen ere:

Aiara: Josune Irabien Marigorta, Amurrio

Añana: José Javier Martínez García, Iruña Oka

Arabako Errioxa: Borja Monje Frías, Mañueta

Arabako Lautada: Mª Natividad López de Munain Alzola, Burgelu

Kampezu-Arabako Mendialdea: Pedro San Vicente Corres, Harana

Vitoria-Gasteiz: Itziar Gonzalo de Zuazo, Vitoria – Gasteiz (alkateordea)

Zuia: Unai Gutierrez Urkiza, Zuia

18.10.2016 Ogasuna eta Finantzak

Gipuzkoako Finantzen Lurralde Kontseilua (2016/10/18)

Gaur, asteartean, urriak 18, Gipuzkoako Finantzetako Lurralde Kontseilua bildu da, foru ordezkarien eta EUDELeko bost kideen artekoa, azken horiek lurraldeko udalak ordezkatuz. Bileraren xedea izan da diru-bilketari buruzko datuak aztertzea, Herri Dirubideen Euskal Kontseilua duela gutxi bildu ostean (16/10/14).

Gipuzkoako udalerriek aurreikusitakoa baino zazpi milioi euro gutxiago jasoko dituzte aurten eta, datorren urteari begira, Udal Finantzaketarako Foru Funtsatik jasoko dute: 467,6 milioi euro.

EUDELeko Lurralde BatzordeaK, urriaren 18an bertan bildurik, Bizkaiko udaletara ondorengo informazioa bildaltzea erabaki du. Informazio horrek lurraldeko udalerri bakoitzerako banakako datuak dauzka, honako kontzeptuei dagozkienak:

2017ko Finantzaketarako Foru Fondoa
Dossier osoa

Finantzen Lurralde Kontseilua Gipuzkoako udalen eta Foru Aldundiaren arteko partaidetza- eta koordinazio-organoa da, udal-finantzaketaren banaketaz arduratzen dena, eta Gipuzkoako Lurralde Historikoko sektore publikoaren ekonomia-finantza eta aurrekontu arloetako jarduera koordinatzen du.

Hamar kidek osatzen dute. Haietako bost Gipuzkoako Foru Aldundikoak dira, eta bostak, berriz, EUDEL Euskadiko Udalen Elkartearen ordezkariak; hain zuzen ere:

Estitxu Elduaien, AZPEITIAko alkateordea
Aitor Aldasoro, BEASAINgo alkatea
Jaime Domínguez-Macaya, DONOSTIAko alkatea
Iraitz Lazkano, Alcalde de ELGETAko alkatea
Ane Beitia, Alcaldesa de ELGOIBARko alkatea

18.10.2016 Ogasuna eta Finantzak

Bizkaiko Finantzen Lurralde Kontseilua (2016/10/18)

Gaur, asteartean, urriak 18, Bizkaiko Finantzetako Lurralde Kontseilua bildu da, foru ordezkarien eta EUDELeko kideen artekoa, azken horiek lurraldeko udalak ordezkatuz. Bileraren xedea izan da diru-bilketari buruzko datuak aztertzea, Herri Dirubideen Euskal Kontseilua duela gutxi bildu ostean (16/10/14).

Lurralde Kontseiluak, gaur eguerdiko bileran, ontzat eman du 2017an Bizkaiko udalen artean banatzekoa den funtsen estimazioa, zeina, guztira, 795 milioi eurokoaizango baita.

Zenbateko hori proportzionalki banatuko da Bizkaiko udalen artean, Udalkutxa-Udal Finantzaketarako Foru Funtsaren bidez. Udalkutxatik jasotako diru hori funtsezkoa da udalek hurrengo ekitaldirako beren aurrekontuak prestatu ahal ditzaten.

Bileran zehar, gainera, aztertu dute Bizkaiko udaletan zer eragin izango duen gure Lurralde Historikoaren diru-bilketa jaitsi izanak; izan ere, udalek 61 milioi euro inguru itzuli beharko dituzte, baina behin betiko datua ez da otsailera arte ezagutuko, alegia, 2016ko ekitaldia likidatu arte.

EUDELeko Lurralde Batzordeak, urriaren 18an bertan bildurik, Bizkaiko udaletara ondorengo informazioa bildaltzea erabaki du. Informazio horrek lurraldeko udalerri bakoitzerako banakako datuak dauzka, honako kontzeptuei dagozkienak:

Udalkutxa 2016 Prelikidazioa

Udalkutxa 2017 Konturako emateak

Finantzen Lurralde Kontseilua Bizkaiko udalen eta Foru Aldundiaren arteko partaidetza- eta koordinazio-organoa da, udal-finantzaketaren banaketaz arduratzen dena, eta Bizkaiko Lurralde Historikoko sektore publikoaren ekonomia-finantza eta aurrekontu arloetako jarduera koordinatzen du.

Hamar kidek osatzen dute. Haietako bost Bizkaiko Foru Aldundikoak dira, eta gainerako bostak, berriz, EUDEL Euskadiko Udalen Elkartearen ordezkariak; hain zuzen ere:

Alvaro Parro, Alcalde de BALMASEDA
Marta Ajuria, Concejala del Ayuntamiento de BILBAO
Carlos Totorika, Alcalde de ERMUA
Iñigo Gaztelu, Alcalde de LARRABETZU
Borja Liaño, Alcalde de MUSKIZ

18.10.2016 Konferentzia: Berdintasuna, aniztasuna eta inklusioa

EUDELek munduko udalerriekin bat egin du, berdintasunerako konpromiso politikoan

Urriak 14, ostiralean, Bogoták amaiera eman zion tokiko gobernuei buruzko munduko goi-bilerari. Berdintasunari buruzko foro horretan, emakumezko tokiko buru eta hautetsiak bildu ziren, hala nola, Anne Hidalgo, Parisko alkatea, edo Manuela Carmena, Madrilgo errejidorea.

Ibon Uribek hizlari gisa parte hartu zuen foroan, Euskadiko udalerrien ahotsa helarazteko eta berdintasunaren alorrean egindako aurrerapenak azaltzeko, Euskadiko erakundeen lankidetzarekin batera.

Galdakaoko alkateak politikaren ‘feminizazioa’ sustatzea defendatu zuen, tokiko gobernuetatik, buruzagitza politiko indartsuaren bidez. Uribek ordezkaritzako kuoten garrantzia azpimarratu zuen, baita berdintasunerako tokiko politikei bultzada berria emateko irizpide eta tresnak sendotzeko beharra ere.

Gizonen eta emakumeen arteko oreka politikaren lehentasuna da CGLU erakundearentzat; izan ere, emakumezko zinegotziak %20 baino gutxiago dira, eta mundu guztiko alkatetzen %5 soilik betetzen dute.

Bilbon, 2016ko urriaren 15ean. Atzo, ostiralean, urriaren 14an, EUDELek genero-berdintasunaren aldeko Euskadiko udalerrien ahotsa helarazi zuen, planeta guztiko tokiko gobernuetako buruen aurrean. Lehenengo aldiz, EUDEL CGLU erakundearen (Hiri eta Tokiko Gobernu Batuen Sarea) munduko goi-bileraren programan parte hartzera gonbidatu dute; izan ere, Nazioarteko 5. Kongresua egiten ari da Bogotán, urriaren 12tik 15era bitartean.
Galdakaoko alkate Ibon Uribek, gaur egun Europako Udalerrien eta Eskualdeen Kontseiluko Berdintasun alorreko presidentea denak, Bogotáko Goi-bilerari amaiera eman zion Berdintasuneko Foroan hitz egin zuen atzo. Bilera goizeko 11:00etatik 12:30era egin zen, eta gai hauek aztertu ziren, besteak beste: politikaren feminizazioa eta genero-berdintasuna sustatzeko modua, munduko tokiko gobernuen lehentasun gisa.

Bogotáko berdintasunerako forora mundu osoko hautetsiak eta hirietako buruak joan ziren. Zerrenda luze horretan, Kanada, Kamerun, Mauritania, Filipinak, Panama edora Kolonbia izan ziren, besteak beste. Burua Parisko alkate Anne Hidalgo izan zen; izan ere, CGLUko Berdintasun Batzordeko presidentea da. Estatu mailan, Madrilgo alkate Manuela Carmenak ere parte hartu zuen.

Bere hitzaldian, Ibon Uribek munduko toki gobernuei gonbidatu zituen Berdintasunaren aldeko buruzagitza politiko sendoa egitea, mundu guztiko herri eta hirietatik. “Udalerri eta eskualdeok aldaketa horren alde egin behar dugu, herritarrengandik hurbilen gauden erakundeak baikara, eta CGLU bezalako nazioarteko erakundeek funtsezko papera daukate zeregin horretan, beharrizan hori elkarte nazionaletara, tokiko gobernuetara eta munduko estatuetako erakundeetara eramateko, bai eta irizpideak eta tresnak ahalbidetzeko ere.” Uribek esan zuen atzo.

Aurrekoa lortzeko, EUDELeko ordezkariak hiru gako azpimarratu zuen: konpromiso politikoa, kuotak eta jabekuntza.

Europako inguruan erreferente garrantzitsuena da “Europako Gutuna Emakumeek eta Gizonek Tokian Tokiko Bizimoduan Izan Behar Duten Berdintasunerako” (2006, hamar urtetik indarrean). “Gutun horren bidez, emakumeen eta gizonen bozkatzeko, hautagaiak izateko eta hautatuak izateko eskubideak defendatu eta babestu nahi dira. Emakumeak era esplizituan animatzen ditu, hautagaiak izateko hauteskundeetako zerrendetan izena eman dezaten. Era berean, alderdi eta talde politikoak adoretzen ditu, ordezkaritza orekatuaren printzipioa kontuan hartzeko eta ezartzeko.” Uribe alkateak azaldu zuen.

EUDELeko ordezkariak “aldaketa bizkortzeko esku hartzea” defendatu du; “legea egin behar da, kuotak ezartzeko, hautagaiek gizartea den bezalakoa ordezteko errazteko, naturaltasunez, hau da, esku hartu gabe urte asko behar izango dituen desoreka zuzentzeko”.

14.10.2016 Ogasuna eta Finantzak

EUDELek Herri-Dirubideen Euskal Kontseiluan parte hartzen du Udalerrien hiru ordezkariekin

Toki Erakundeen Lege berriak Euskadiko udalek organo horretan dituzten ordezkarien kopurua areagotu du; lehenengo aldiz, ahotsa eta botoa izango dute bertan.

Herri-Dirubideen Euskal Kontseiluak urriaren 14an (ostirala) izandako bileran, EUDELek ahotsarekin eta botoarekin hartu du parte lehenengo aldiz udalerriei eragiten dieten gaietan, aurten onartutako Euskadiko Toki Erakundeen Legeak ezartzen duen bezala.

Euskadiko udalentzat gaur “egun historikoa” izan dela nabarmendu du EUDELen elkarteburu Imanol Landak; izan ere, “lehenengo aldiz, udalerriek eskubide osoko kide gisa hartu dugu parte, ahotsarekin eta botoarekin, herrialdeko baliabideak banatzen diren eta gure sistema ekonomiko-finatzarioarentzat gakoa den erakunde arteko organoan. Gaurko eguna aurrerapauso garrantzitsua da Euskadiko udalgintzarentzat.”

EUDELek HDEKn dituen hiru kideek hiru lurralde historikoetako udalerriak (tamaina guztietakoak) ordezkatzen dituzte:

Imanol Landa, EUDELen elkarteburu eta Getxoko (Bizkaia) alkatea
Josune Irabien, Amurrioko (Álava/Araba) alkatea
Eneko Maioz, Orexako (Gipuzkoa) alkatea

**EUDELek informazio zehatzagoa eskainiko du datozen egunetan (UDALA aldizkaria), Herri Dirubideen Lurralde Kontseiluak bildu ondoren, foru arduradunen eta udalen ordezkarien artean lurralde bakoitzeko datuak aztertzeko.

HDEKren Aztergaien Zerrendan jorratuko gaiak (Itur. Irekia):

http://www.irekia.euskadi.eus/eu/news/34939-reunion-del-consejo-vasco-finanzas-publicas

Gaurko bileran, honako erabakiak hartu ditu Herri-Dirubideen Euskal Kontseiluak:

Herri-Dirubideen Euskal Kontseiluko kide berrien aurkezpena.
2016rako zerga itunduen bidezko diru-bilketaren aurreikuspenak zehaztea.
2017rako zerga itunduen diru-bilketaren aurreikuspenak zehaztea.
2017. ekitaldirako koefiziente horizontalak eta Foru aldundiek Eusko Jaurlaritzari egin beharreko Ekarpenak zehaztea.
2017. ekitaldirako Egokitzapenerako Funts Orokorraren behinbehineko zehaztea.
HDEK-k hogei milioi euro bideratzea erabaki du, Gizarte Zerbitzuen Zorroa finantzatzeko.

11.10.2016 Prestakuntza

Jardunaldia: ‘Eraikin publikoetako autobabes-planak’

EUDEL eta IVAPen arteko lankidetzako akordio-markoan, eta Eusko Jaurlaritzako Larrialdiei aurre egiteko eta meteorologiako Zuzendaritzaren partaidetzarekin, aipatzen den jardunaldiari buruzko informazioa: “Planes de Autoprotección en edificios públicos“. Jardunaldia Eusko Jaurlaritzaren Lakua 2 eraikinean (Vitoria-Gasteiz) burutuko da urriaren 26an, asteazkena, 10.00-12.00.

Jardunaldia, Euskadiko tokiko erakundeetako ordezkari politikoei dago zuzendua, eta bertaratuek ez dute ezer ordaindu beharko, dohainik da.

Bertaratzearen konfirmazioa helbide elektroniko honetara bidaltzea eskatzen da datorren urriaren 19a baino lehenago: miriam-berasategi@ivap.eus

Lugar: Euskaldun Berria Aretoa. Lakua 2. Donostia-San Sebastian, 1. Vitoria-Gasteiz

PROGRAMA

10:00-11:00 Autobabes-planak jendearentzako irekitako eraikinetan. Udalen betebeharrak eta erantzukizunak

Miguel de los Toyos Nazabal, Eibarko alkatea

11:00-12:00 Autobabes-planak egin eta mantentzeko aplikatu behar den araudia

Iñaki Inoriza Aizpurua, Eusko Jaurlaritzako Larrialdiei aurre egiteko eta meteorologiako Zuzendaritzako teknikaria

11.10.2016 Prestakuntza

Agiri elektronikoak: eraginkortasunez eta modu seguruan kudeatzeko irizpideak

Euskal Herriko Agintaritzaren Aldizkariak (EHAA) argitaratu du Euskal Autonomia Erkidegoko sektore publikoko agiri elektronikoak kudeatzeko politika onartzen duen” agindua.
Espediente elektronikoak benetakoak, fidagarriak eta eskuragarriak izatea bermatzen da, eta, aldi berean, berreskuratzea eta gordeta egotea ziurtatzen da.
Administrazioa modernizatzeko emandako beste urrats bat da hau, eta herritarrekiko harremanetan papera pixkana baztertzeko hartutako konpromisoaren bidean aurrera egitea ahalbidetzen dio Eusko Jaurlaritzari.

Dokumentua
Deskargatu

Iturria: Irekia 16/10/10. Euskal Herriko Agintaritzaren Aldizkariak (EHAA) argitaratu du urriaren 10ean “Euskal Autonomia Erkidegoko sektore publikoko agiri elektronikoak kudeatzeko politika onartzen duen” agindua. Xedea da irizpide batzuk ezartzea euskal sektore publikoa osatzen duten erakundeek sortutako edo gordetako espediente elektronikoak kudeatzeko, eta, aldi berean, benetakoak, fidagarriak eta eskuragarriak izatea bermatzen da eta, gainera, berreskuratzea eta gordeta geratzea ziurtatzen da.

Agindua honako erakundeei aplikatuko zaie:

-Euskal Autonomia Erkidegoko administrazio orokorrari, administrazio orokorreko erakunde autonomoei eta administrazio orokorrari lotuta edo haren mende dauden zuzenbide publikoko gainerako erakundeei.
-Zuzenbide pribatuko erakunde publikoei eta Euskadiko sektore publikoa osatzen duten gainerako erakundeei, zuzenbide publikoaren pean jarduten dutenean.

Era horretara, jarraitu egiten da Euskal Administrazio Publikoa modernizatzeko bidean arinagoa, eraginkorragoa eta efizienteagoa izan dadin, eta, aldi berean, herritarrekiko, enpresekiko eta gainerako erakunde publiko eta pribatuekiko harremanetan papera pixkana baztertzeko hartutako konpromisoa betetzen du. Hortaz, Euskal Administrazio Publikoan sartu edo sortuko diren agiriak digitalak izango dira, eta aurrez aurre artatzen diren pertsonek agiriak paperean entregatzen badituzte, agiri horiek hartzen dituzten erakundeek eskaneatu egingo dituzte eta tramitea egin duenari itzuliko diote papera.

AGIRIAK KUDEATZEKO PROZESUAK

Agiri elektronikoak tramitatzeko fase bakoitzerako irizpideen eta prozeduren zerrenda bat ezarri da testuan: agiriak sortzea, erregistratzea, atzitzea, banatzea, sailkatzea, deskribatzea, sartzea, kalifikatzea, gordetzea, transferitzea, garbitzea, digitalizatzea, baimentzea, paperean edo elektronikoa ez den beste edozein euskarritan dauden jatorrizko agiriak ordezkatzea kopia elektroniko baimenduekin eta haiek behin betiko ezabatzea.

Euskal sektore publikoko langileek agiri eta espediente elektronikoak kudeatu eta gordetzeko prestakuntza espezifikoa jasoko dute, eta prestakuntza horretaz IVAP, Herri Arduralaritzaren Euskal Erakundea arduratuko da. Prestakuntza-programa aldian behin ebaluatuko da eta ebaluazioaren emaitzen arabera doituko da.

Azkenik, Euskal Autonomia Erkidegoko sektore publikoko erakundeek ebaluazioak eta auditoretzak egingo dituzte aldian behin, agiriak kudeatzeko prozesuak gaur onartu den aginduan ezarritakoari jarraituz egiten direla ziurtatzeko eta erakundearen errendimendua eta erabiltzaileen gogobetetze-maila hobetzeko.

10.10.2016 Berriak

Kulturarako Tokiko Agintarien Sarea. Donostia, urriak 10-13

‘LIKE’ sareak ‑Kulturarako hiri eta eskualdeen sarea‑ Europako «La Rencontre of San Sebastián» urteroko ekitaldia antolatuko du urriaren 10etik 13ra. “Kultura, agora gisa: herritarren, lurraldeen eta sormenaren arteko lotura” gaia landuko da, eta, aurten, Donostia-San Sebastiánen izango da; izan ere, Kulturaren Europako Hiriburua da 2016. urtean.

ONGIETORRI
KOKTELERAKO
SARRERA
(urriak 12,
Donostiako Miramar
Jauregian) deskargatu

Bertaratutakoek eta parte-hartzaileek kultura agora demokratikotzat har daitekeen formen inguruan eztabaidatuko dute. Era berean, Europan kultura lankidetzan eraikitzeko bidean, tokiko kultur politikak sortzeko prozesuan agora demokratikotzat har daitezkeen formen inguruan ere eztabaidatuko da. Herritarren ekimenak, demokrazia parte-hartzailea, kulturari lotutako artistak eta profesionalak, etab.

LIKE sareak artean eta kulturan parte-hartze demokratikoa izateko modu berriei buruz hausnartu nahi du, eta, halaber, espazio bat sortu nahi du Donostia Kulturaren Europako Hiriburua 2016 ekimenaren barruan, kulturaren sektorean politika publikoak garatzeko eredu berrien inguruan hausnartzeko.

Ekitaldiaren egitarau osoa deskargatu (ing)

LIKE, Kulturarako Europako hiri eta eskualdeen sareak konpromisoa agertzen du Europako kultur politiken garapenarekin, eta, sarearen barruan, tokiko hainbat agintaritzaren eta kultur egituraren hautetsi talde bat biltzen du. Sareak lurraldeek eratutako kulturaren Europa eraikitzearen alde egiten du lan, kultur gaietan aukera berriak irekitzeko xedearekin.

Webgunea: www.likeculture.eu

Berriak

Azken berriak