Sailetako Albisteak

09.02.2017 Prestakuntza

Tokiko Zuzenbidearen Euskal Mintegia 2017

11. eizioa. 2017ko martxotik azarora

EAEko toki erakundeetan arlo juridikoan lan egiten dutenei zuzenduriko Tokiko Zuzenbideari buruzko Euskal Mintegia bere 11. ediziora heldu da.

Aurtengo edizioak 5 saio izango ditu (20 ordu guztira).

Gaiak: prozedura elektronikoa eta administrazio elektronikoa; kontratazioa; ordenantzak eta erregelamenduak zehaztea; Udal Erregelamendu Organikoa eta tokiko zergak.

2017ko PROGRAMA

Bost saio (20 ordu): martxoaren 17an, maiatzaren 19an, ekainaren 16an, urriaren 6an eta azaroaren 10ean

Ordua: 9:30etik 13:30era

Tokia: Bizkaiko Foru Agiritegi Historikoa. María Díaz Haroko kalea 11. BILBO

Tokiko Zuzenbideari buruzko Euskal Mintegia 2006az geroztik egiten da, eta, eta xedea du EAEko toki-erakundeetako langile juridikoei beren eginkizunak kalitate profesional handiagoz egiteko behar dituzten tresnak ematea.

Mintegia gai bakarreko hainbat saiotan egituratuta dago, hurrengo alderdiak barne hartuta:

Hitzaldi akademikoak, aditu eta profesionalen eskutik, Tokiko Zuzenbide Publikorako funtsezkoak diren gaiei buruzkoak.
Hitzaldi akademikoaren osagarriak diren gaiei buruzko gogoetarako espazioa; edo tokiko gobernuei buruzko esperientzia eta praktika onak.
“Tokiko Zuzenbidearen Behatokia”: arauen, jurisprudentziaren, dokumentuen eta bibliografiaren gaineko berrikuntzak aztertzeko espazioa.

*Aldizkari Digitala barne dago: gai orokorrei eta jurisprudentziari buruzko albisteak, arau-aipamenak eta intereseko bibliografia.

24.01.2017 Nabarmenak

Ipar Euskal Herriko Elkargoa: solaskidetza bakarra elkarren interesekoak diren esparruetan lan egiteko

[nivo effect=”sliceDownLeft” slices=”9″ directionNav=”button” width=”600″]
[image]https://noticias.eudel.eus/wp-content/uploads/2017/01/delegacionCOMPLETA_ok1.jpg[/image]
[image]https://noticias.eudel.eus/wp-content/uploads/2017/01/SanJuanLuz1.jpg[/image]
[image]https://noticias.eudel.eus/wp-content/uploads/2017/01/nuevoPresidente1.jpg[/image]
[image]https://noticias.eudel.eus/wp-content/uploads/2017/01/iparralde-elkargoa_32485167815_o.jpg[/image]
[image]https://noticias.eudel.eus/wp-content/uploads/2017/01/iparralde-elkargoa_31641682314_o.jpg[/image]
[image]https://noticias.eudel.eus/wp-content/uploads/2017/01/general1.jpg[/image]
[image]https://noticias.eudel.eus/wp-content/uploads/2017/01/foto_delegacion1.jpg[/image]
[image]https://noticias.eudel.eus/wp-content/uploads/2017/01/electos_iparralde.jpg[/image]
[image]https://noticias.eudel.eus/wp-content/uploads/2017/01/delegacion_mesa1.jpg[/image]
[/nivo]Imanol Landa, Getxoko alkate eta EUDEL-Euskadiko Udalen Elkartearen elkarteburua, Baionara joan zen atzo arratsaldean, Ipar Euskal Herriko Hirigune Elkargoaren presidentea (Baionako alkate Jean-René Etchegaray) eta horren gobernu organoak hautatzeko ekitaldian egoteko.

Baionako alkate zentrista Ipar Euskal Herriko Hirigune Elkargoaren, Iparraldeko erakunde berriaren, lehen presidentea bihurtu zen atzo. Jean René Etchegarayk urteak daramatza euskal erakunde bat sortzea aldarrikatzen. 233 ordezkariz osatutako batzorde berriaren lehenengo osoko bilkuran, botoen %73,4 lortu zuen. Erakundearen ordezkari berriak 231 botoetatik 157 lortu zituen, adeitasunak markatutako osoko bilkuran, hainbat hilabetez eztabaidan eta desadostasunean egon ondoren.

Hautetsi eta begirale askok egun historikotzat jo zuten atzokoa; izan ere, Iparraldeko hiru herrialdeetako 158 udalerriak lehen aldiz daude erakunde politiko berean bilduta.

Euskadiko Udalen Elkartearen elkarteburua, Imanol Landa, Baionako hautaketa-ekitaldira bertaratu zen Hegoaldeko erakundeen ordezkaritzako kideetako bat izan da. Besteak beste, Eusko Jaurlaritzako eta Nafarroako Gobernuko ordezkariak eta Gipuzkoako Foru Aldundiaren ordezkariak ere izan ziren bertan.

Ekitaldiaren aurretik, EUDELeko elkarteburuak eta euskal erakundeen gainerako ordezkariek topaketa laburra izan zuten Jean-René Etchegaray Baionako alkate eta hautetsi nagusiarekin. Imanol Landak zoriondu egin zuen, Iparraldeko udalerriak biltzen dituen lehenengo erakunde politikoaren sorreragatik. Bere hitzetan, “albiste bikaina da euskal udalgintzarentzat; aukera eskaintzen du Iparraldean solaskide bakarra izateko eta, era horretan, lankidetzarako eta lan partekatutako etapa berria irekitzeko, interes komuneko gaiei dagokienez, adibidez, euskarari, kulturari edo garapen ekonomikoari dagokienez”.

EKITALDIKO ARGAZKIAK IKUSI

Imanol Landaren ustez, “Hegoaldeko eta Iparraldeko herrien arteko lankidetza indartuko da, herritarrengandik oso gertu dagoen tokiko esparrutik abiatuta, eta ekimenak eta esperientziak trukatzea sustatuko da”. EUDELen elkarteburuak azaldu duenez, “adostasunerako eta lanerako harreman estuagoa ekarri du, ekintzarako hainbat gai eta alorretan, eta partekatzen ditugun behar eta interes komunetan oinarrituta”.

“Lan handia dugu egiteko oraindik”

Atzoko saioa erakunde berriaren 233 ordezkari hautetsien lehen topaketa izan da, urtarrilaren 1ean eratu zenetik. Atzo arratsaldean bildu ziren, presidentea eta Kontseilu Iraunkorreko kideak (69 kide) eta Batzorde Exekutiboko kideak (25 kide) hautatzeko; izan ere, Elkargoko gobernuaren organo nagusiak dira aipatutako horiek.

Elkargo berriak Iparraldean aurretik zeuden 10 interkomunalitateak biltzen ditu, eta Ipar Euskal Herriko Hirigune Elkargoa deitura hartu du. Guztira, 300.000 biztanle ordezkatzen ditu, 158 udalerritan banatuta; horietako %70 erakunde hau sortzearen alde agertu ziren.

Kargua hartzeko ekitaldian, Ipar Euskal Herriko Hirigune Elkargoaren lehenengo presidenteak azaldu zuen Iparralde trantsizio-fasean sartu dela eta lana hasi baino ez dela egin. Etchegarayk ziurtatu zuenez, erakunde berriak hainbat gai kudeatuko ditu: euskararen eta gaskoiaren aldeko hizkuntz politika Baionako eskualdean, nekazaritza, mugaz gaindiko harremanak eta legeak ezarritako zortzi eskumenak, adibidez, garapen ekonomikoa, garraioak eta hondakin-bilketa. Etchegarayk nabarmendu zuenez, erakunde berriak orain arte eskaini dituen zerbitzu publiko berberak eskainiko dizkie Lapurdiko, Nafarroa Behereko eta Zuberoako herritarrei. “Lan handia dugu egiteko, baina ez gara beldur. Duintasunez egingo dugu”, esan zuen, presidente hautatu ondoren.

Dossiera deskargatu

20.01.2017 Berdintasuna

BASQUESKOLA webgune berri tokiko emakume hautetsientzat

EUDELek eta EMAKUNDEk aurkezten dizute webgune berria:

www.virginiawoolfbasqueskola.eus

2012. urteaz geroztik, Euskadiko emakumezko alkate eta zinegotzientzako espazio propioa da eskola, eta sarean lan egitea eta tokiko politikei buruzko esperientziak trukatzea ahalbidetzen du.

Hemendik aurrera, webgune berria informaziorako, komunikaziorako eta euskarrirako gako-kanala izango da sarean Euskadiko tokiko hautetsientzat.

Eskolaren beraren jarduna hedatu eta dinamizatzeko barne-tresna izateaz gain, Basqueskolaren webguneak bozgorailu funtzioa beteko du, udalek emakumeen eta gizonen arteko berdintasunaren alde egunerokoan egiten dituzten ekintzak ikusarazteko, eta, zehatzago, emakumeen parte-hartze politikoa sustatzeko.

WEBgune berria: Virginia Woolf BASQUESKOLA

Diseinua: eskolaren neurrira egindakoa, Euskadiko hautetsien artean sare berriak (birtualak ere bai) indartu eta ehuntzeko euskarri digitaleko egiturarekin.

Edukiak: albisteak eta gaurkotasuna, elkarrizketak, prestakuntza eta ikastaroak, nazioartean erreferente diren sareen inguruko informazioa eta tokiko politikan emakumeen jarduna zabaldu eta indartzeko baliabide esanguratsuen biblioteka.

Egitekoa: komunikaziorako eta zabalkunderako kanala; informazio, kontsulta eta aholkularitzarako iturria; argitalpenen eta material didaktikoen biltegia; hautetsien artean eztabaida, kontaktua eta esperientzien eta hausnarketen trukea sustatzeko foroa.

Buletin Digitalera harpidetu, azken albiste eta informazioak jasotzeko.

Basqueskola kontaktua: basqueskola@eudel.eus

20.01.2017 Berriak

Etxegabetzeen aurreko egoerak jorratzeko Alokabidekin lankidetza

2013an etxegabetzeen arloan hasitako erakunde arteko lankidetzaren ildoan, Botere Judizialaren Kontseilu Nagusiak, Eusko Jaurlaritzak eta EUDELek Lankidetza Hitzarmena sinatu dute, neurri sozialak ahalbidetzeko asmoz etxebizitza familiarrak sustatzerakoan izan daitezkeen zaurgarritasun-kasuak antzemateari buruz; hori horrela, orain, Ingurumen, Lurralde Plangintza eta Etxebizitza Sailarekin lankidetza-ildoa abiaraztea proposatu da, aipatutako Sailak hala eskatuta, Alokabide sozietate publikoak kudeatzen dituen etxebizitzen inguruko etxegabetzeen aurreko egoerak jorratzeko; izan ere, Alokabide sail horren menpe dago, eta berau da etxebizitzen alokairu babestuaren arduraduna.

Ondorio horietarako, EUDELen Batzorde Eragileak, 2017ko urtarrilaren 19an egindako saioan, udalengana jotzea erabaki du, hain zuzen ere, Alokabide sozietate publikoarekin lankidetza eskatuz, udal gizarte zerbitzuen bitartez.

Dokumentua deskargatu

Lankidetza hori soilik aktibatuko da Eusko Jaurlaritzako alokairuko parke publikoko etxebizitzen kasuan eta maizterrek alokairua sarritan eta justifikaziorik gabe ordaindu ez duten kasuetan, edo elkarbizitza-arazoak dituztenean edo etxebizitza babestua edukitzearen inguruko betebeharrak modu larrian bete ez direneko edozein kasutan. Hain zuzen ere, lankidetza eraginkorra izan dadin, Alokabidetik dagokion udalerriko Alkatetzarekin jarriko dira harremanetan, eta Alkatetzak zehaztuko du nor izango den gai horren inguruko udal zerbitzuko arduraduna, harekin jarri ahal izateko harremanetan.

Eragindako pertsonaren egoerara egokitutako konponbideren bat eman ahal izateko, eta Alokabidek hartuko duen azken erabakia behar bezala osatu ahal izateko, udal gizarte zerbitzuek sozietate publiko horrekin kolaboratuko dute, kasu zehatz bakoitzeko egoera sozialei buruz duten ezagutzatik.

Kasu bakoitzetik sor daitekeen prozedura judiziala abiarazi aurretik, Alokabide eta prozedura horren ondorioz eragindako pertsona edo pertsonak harremanetan jarriko dira etxegabetzeen aurkako herri bakoitzeko elkarte eta kolektibo sozialekin, informazioa jasotzeko eta, hala badagokio, sustapen-egoerak saihestu ditzaketen konponbideak aurkitu ahal izateko.

11.01.2017 Prestakuntza

2017ko Zeharkako Prestakuntza Plana berria

Datorren otsailetik aurrera, EUDELek, IVAPek eta Foru Aldundiek elkarlanean antolatu duten 2017ko Zeharkako Prestakuntza Plana hasiko da, euskal toki- erakundeeko teknikari, administrari eta idazkaritza, kontuhartzailetza eta zuzendaritzako langileentzat.

Lekuak: Bilbon, Donostian, Vitoria-Gasteizen eta Tolosaldean.

Planean 179 ikastaro daude; horietatik 91 aurrez aurrekoak dira; 88, berriz, lineakoak.

Ikastaroak gaika antolatu dira: oinarrizko gaiak (erregimen juridikoa, kontratazioa…); giza baliabideak; gizarte zerbitzuak; hirigintza; ingurumena eta etxebizitza; berrikuntza; biztanleria; berdintasuna, etab.

2017an prestakuntza planak (ETEL) Euskadiko Toki Erakundeen Legearen ardatzik nagusienak izango ditu kontuan: esparru orokorra, zerbitzu-zorroak, gaitasunak, antolakuntza, gardentasuna eta parte-hartzea.

Euskarazko eta ingelesezko kurtso gehiago

Gainera, urte honetan hizkuntza-prestakuntza indartu egin da, 74 ikastaro presentzialen eta 52 ikastaro on line eskaintza berriarekin, eta horietatik guztietatik 53 ikastaro euskarazko eta 25 ikastaro ingelesezko komunikazio-gaitasunak hobetzeko dira.

Izen-emateko: Matrikula egiteko, eskabidea bidali behar zaio Udaleko prestakuntza koordinatzaileari, eta horrek honako helbide honera bidaliko du: prestakuntza@ivap.eus

Hizkuntza prestakuntza arloko eskaera denean, berriz, ikasivap@ivap.eus helbidera bidali behar da.

PROGRAMA (liburuxka)

Ikastaroen EGUTEGIA

02.01.2017 Berriak

Istanbul eta Bagadagen atentatuak: EUDELen gaitzespen irmoa

EUDELek gaitzespen irmoa adierazi nahi du, asteburuan Istanbulen eta Bagdad-en izan diren atentatu odoltsuen aurrean, eta erabateko irmotasunez gaitzesten du indarkeria terroristaren basakeria. Era berean, Euskadiko Udalen Elkarteak dolumina eta elkartasuna helarazi nahi dizkie biktimen senideei, eta espero du zauritutako pertsona guztiak ahalik eta lasterren sendatzea.

Euskadiko udaletatik besarkada solidario bat bidaltzen diegu Turkiako eta Irakeko herritarrei, une latz hauetan.

26.12.2016 Berriak

Arabako foru akordioa: udal gizarte zerbitzuak kudeatzea mantentzeko

Diputatuen Kontseiluak gaur goizean egindako bilkuran onetsi du erabakia; hain zuzen, gaur bertan sartu da indarrean Euskal Autonomia Erkidegoko gizarte zerbitzuen sistemako prestazio eta zerbitzuetarako eskubidearen unibertsalizazioa, hartara Gizarte Zerbitzuen Legea beteaz.

Arabako Foru Aldundiak, aurrerantzean ere, inolako aldaketarik gabe emango ditu udal eskumeneko gizarte zerbitzuak, gaur egun lurralde historikoan 20.000 biztanle baino gutxiago dauzkaten udalerrietan ematen dituenak. Halaber, bi urteko epea ezarri du baliabide juridiko, ekonomiko eta teknikoak ipintzeko, udal bakoitzarekin adosteari begira nola berrantolatu gizarte zerbitzuen arloko eskumenak.

Akordio honek udal bakoitzarentzat eragina izango badu, ordea, udal bakoitzak, datorren 2017ko otsailaren 1a baino lehen, adostasuna agertu beharko du nork bere udal organo eskudunaren bitartez.

EUDELen Arabako Lurralde Batzordearen akordioa 16/12/23

Aipatutako proposamena egituratzeko, EUDELen Arabako Lurralde Batzordea 2016ko abenduaren 23an bildu zen; EUDELen zerbitzu teknikoek aipatutako Akordioaren eragin posibleei buruz egindako txosten juridikoa ikusita, aipatutako Batzordeak egokitzat jo zuen Arabako udal guztiei agiri guztiak bidaltzea:

EUDELeko ofizioa informazioarekin IKUSI

Arabako Foru Aldundiaren Diputatuen Kontseiluaren 2016ko abenduaren 26ko akordioa. AKORDIOA IKUSI

EUDELen zerbitzu teknikoen txosten juridikoa, Arabako Foru Aldundiaren Diputatuen Kontseiluaren 2016ko abenduaren 26ko Akordioaren eraginari buruzkoa. IKUSI TXOSTENA
EUDELeko zerbitzu teknikoek prestatutako eredua, udal-akordioa errazteko, Arabako Foru Aldundiaren Diputatuen Kontseiluaren 2016ko abenduaren 26ko Akordioarekin bat etorriz. Behin udal-akordioa hartzen denean, akordioaren egiaztagiria bidali behar da Arabako Foru Aldundira, 2017ko otsailaren 1 baino lehen. IKUSI EREDUA

20.12.2016 Berdintasuna

‘Berdinsarearen’ 10. urteurrena

EUDELek eta Emakundek udalerri txikietara zabaldu nahi dute sarea, 2018an europako erreferentea izan dadin


ARGAZKIAK IKUSI	PHOTO-CALL IKUSI

EKITALDIKO BIDEOAK IKUSI

Prentsa Oharra
Deskargatu

Berdinsarea 2006. urtean sortu zen, arlo horretan inplikatutako euskal erakundeek udalerrietatik bertatik berdintasunerako eta emakumeenganako indarkeriaren aurkako tokiko politikak sustatu behar zituztela ikusi zutenean.
Sarea bera udal teknikarien zein politikarien partaidetzaz eta interesen nahiz premien araberako zenbait batzorde tematikoren bidez dago abian; esate baterako, berdintasunerako ordenantzak edo emakumeenganako indarkeriaren aurkako jarduketa-protokoloak.
Berdinsarearen balioa da udalen arteko trukerako eta tokiko berdintasun-politiken koordinaziorako eremua izatea. Beste abantaila batzuen artean, sareari esker, irizpide bateratuak adostu daitezke eta berdintasunaren arloan ibilbide desberdina duten zenbait tamainatako udalen artean baliabideak partekatu daitezke. Izan ere, oso lagungarria da mankomunitateetan elkartutako udal txikienen lanerako.
Gaur egun, 62 udalek osatzen dute sarea (EAEko biztanleen %77), eta gehienek 5.000 biztanle baino gehiago dituzte. Horrez gain, bete-betean lan egiten du, udal txikiagoek ere bat egin dezaten eta sareko baliabide guztiak eskuratzeko aukera eduki dezaten.
‘Berdintasunari, aniztasunari eta inklusioari’ buruzko Konferentzia Europarra Bilbon egingo da 2018an, eta aukera paregabea izango da sareari nazioarteko proiekzioa emateko eta Europako Udalerri eta Eskualdeen Kontseiluaren bidez (CMRE) Europako udal guztiak elkartzen dituen eremu erreferentea izateko. EUDEL bera da, hain zuzen ere, bertako Berdintasun Batzordeko burua.

Bilbon, 2016ko abenduaren 20an. Gaur goizean, ekitaldi hunkigarria egin da Bilboko Zabalgunean, ‘Berdinsarearen’ hamargarren urteurrena ospatzeko. Bertan, ehun bat lagunek hartu dute parte, eta gehienak udal zein mankomunitateetako teknikariak eta politikariak izan dira. Ekitaldiaren hasieran, EUDELeko ordezkari eta Galdakaoko alkate Ibon Uribek eta Emakundeko zuzendari Izaskun Landaidak sarearen 10 urteko historia berrikusi dute. Gaur egun, berdintasunaren alde eta emakumeenganako indarkeriaren aurka dauden 62 udal dira sare horretako kideak (EAEko biztanleen %77).

Udalen izenean, Galdakaoko alkate Ibon Uribek (EUDEL) “udal-politikak gizartea eraldatzeko duen ahalmena” nabarmendu du. “Euskadiko udalon artean elkarrekiko ikaskuntzarako etengabeko prozesua egituratzea izango da gure hurrengo erronka. Gaur egun, Euskadi Europako erreferentea da berdintasunerako tokiko politiken arloan, eta, CMREk 2018an egingo duen Konferentziatik aurrera, Berdinsarea Europako udal guztietara zabaltzeko aukera ere izango dugu”.

Bestetik, Emakundeko zuzendari Izaskun Landaidak sarearen historia berrikusi du, eta honakoa azpimarratu du: “Udala herritarrengandik hurbilen dagoen erakundea den aldetik, oso garrantzitsua da eskainitako zerbitzuak eraginkorrak izatea, baita gizon eta emakumeen berdintasunaren arloan ere. Gainera, zeregin hori behar bezala koordinatuta eta aholkatuta ere egon behar da. Hori dela eta, gure ustez, Berdinsarea bera oso tresna garrantzitsua da, gizon zein emakumeen berdintasuna eta emakumeen aurkako indarkeria hurbiletik tratatzeko orduan”.

Berriak

Azken berriak